দানিয়েল 2:11 - Chakma Bible

¹¹ মহারাজে যিয়েন চার্ সিয়েন গরানা অমকদ আগাত্যে। দেবেদাগুনে বাদে আর কনজনে ইয়েন মহারাজ ইধু ফগদাং গুরি ন-পারিবাক্, আর তারা দঅ মান্‌‌জ্য ভিদিরে বজত্তি ন-গরন।”

দানিয়েল 2:11 Iomraidhean Croise

পত্থম 41:39

ইয়েন পরেদি ফরৌণে যোষেফরে কলঅ, “তঅ গোজেনে যেক্কে তঅ মুজুঙোত্ ইয়েনি ফগদাং গোজ্যে সেক্কে তঅ ধোক্ক্যেন জ্ঞানী আর বুদ্ধিবলা আর কন্না আঘে?

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

২ বংশধর 6:18

মাত্তর্‌ ঘেচ্চেকগুরি কি গোজেনে পিত্‌থিমীত্‌ মানুচ্চুনো লগে বজত্তি গুরিবো? দাঙর্‌ আগাজ্‌, এন্‌ কি, দাঙর্‌ আগাজর্‌ বেক্‌ জাগানি জুড়িনেয়ো যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরানত্‌ কি তর জাগা অবঅ?

গীতসংহিতা 132:14

তে কোইয়্যেদে, “ইয়েনই মর্ জনমত্তে জিরেবার জাগা; মুই ইয়োদোই বজত্তি গুরিম, কিত্তে মুই সিয়েনই চেয়োং।

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যাত্রা 8:19

এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

যিশাইয় 47:12

“যেদক্কানি যাদুবিদ্যে আর মন্ত্রতন্ত্রত্তে তুই চিগোনত্তুন্ ধুরি কাম্ গরর্ সিয়েনি তুই চালেই যাহ্। অয়ত তুই সফল অবে, অয়ত তুই দর্ দেগেই পারিবে।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

দানিয়েল 4:4

মুই নবূখদ্‌‌‌‌‌নিৎসর আরাম আর বেক্কানিন্দি ফোলেইনে মর্ রাজঘরানত্ এলুং।

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

গণাণা 35:34

তুমি যে দেজত্‌ থেবা মুইয়ো সিদু থেম্‌ বিলি সেই দেজ্‌ছান ফি-বলা গুরি ন-পারিবা। মুই লগেপ্রভু ইস্রায়েলীয়গুনো ভিদিরে বজত্তি গরঙর্‌।”

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।