দানিয়েল 12:7 - Chakma Bible

⁷ সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 12:7 Iomraidhean Croise

ইয়োব 27:2

যিবে মঅ বিচের্ গুরিবাত্তে অস্বীগের্ গোজ্যে সেই জেদা গোজেনর নাঙে কঙর্, যিবে মঅ পরাণানরে তিদে গুরি দিয়্যে সেই বেগ খেমতাবলাবো নাঙে কঙর্,

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিহিষ্কেল 20:5

তারারে কঅ, প্রভু লগেপ্রভু কোইয়্যেদে, যেদিন্যে মুই ইস্রায়েলরে বেঈ লোইয়োং সেদিন্যে যাকোব বংশর মানুচ্চুনো ইধু শমক্ হেইয়োঙ্ আর মিসরত্ তারা ইধু নিজোরে ফগদাং গোজ্যং। মুই শমক্ হেইনে তারারে কোইয়োং, মুয়ই তারার্ গোজেন লগেপ্রভু।

দানিয়েল 10:5

এন্ সময়োত্ মুই রিনি চেইনে মসীনার কাবড় উজ্যে আর কমরত্ আজল্ সোনার কমর-বিজোনি দিয়্যে এক্কো মান্‌জ্যরে দেগিলুং।

দানিয়েল 11:13

পরেদি উত্তর রাজা পত্তম্ সৈন্যদলত্তুন্ আরঅ দাঙর্ একদল সৈন্য তুবেব; কয়েক বজর্ পরেদি তে এক্কো বিরেট্ সৈন্যদল আর বোউত্ পযাপিরা নিইনে উজেই যেবঅ।

দানিয়েল 12:6

মসীনার কাবড়-উজ্যে যিবে গাঙ পানি উগুরে এলঅ তারে সেই দ্বিজন ভিদিরে একজনে কলঅ, “এই বেক্ আমক্ অবার বেপারানি শেজ্ অদে কয়দিন লাগিবো?”

দানিয়েল 12:8

মুই শুনিলুং ঠিগ্ মাত্তর্ কিচ্চু ন-বুঝিলুং। সেনত্তে মুই পুযোর্ গুরিলুং, “ও মর্ প্রভু, ইয়েনি বেক্কানির্ শেজর্ ফল কি অবঅ?”

দানিয়েল 4:31

কধানি তা মুয়োত্ থাগদে থাগদে স্বর্গত্তুন্ কনঅ একজনে কলঅ, “ও রাজা নবূখদ্‌নিৎসর, তরে কুয়ো অত্তে যে, তঅ রেজ্যগানি তত্তুন্ নেযা ওইয়্যে।

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

দানিয়েল 7:21

সে পরেদি মুই দেগিলুং সেই শিঙো গোজেন মানুচ্চুনো বিরুদ্ধে যুদ্ধো গুরিনে তারারে ওদেই দের্,

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 8:14

তে কোইয়্যেদে, “দ্বিআজার তিনশঅ সাজোন্যে আর বেন্যেমাদান ধুরি ইয়েনি চলিবো। সে পরেদি উবোসনা-ঘরান আরঅ সিজি গরা অবঅ।”

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

লূকে লেখ্যে গম্ হবর্ 21:14

তুমি ইক্কিনে মনে মনে ঠিগ্ গুরি ফেলঅ, সেক্কে নিজোর্ পক্ষে কধা কবাত্যে তুমি আগেত্তুন্ ধুরি যুক্কোল্ ন-অবা,

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

দ্বি’লম্বর বিররণ 32:40

মুই আত্‌ তুলিনে শমক্‌ হেইনে কঙর্, মর্‌ জীংকানির্ এগেম,

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 12:14

সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 12:6

আর সেই মিলেবো ধূল্যেচরত্ ধেই গেলঅ। গোজেনে সেই ধূল্যেচরত্ তাত্যে এক্কান জাগা থিক্ গুরি থোইয়্যে যেন এক আজার দ্বিশঅ ষায়েত দিন তে সিধু যত্তন্ পায়।

ফগদাং পেইয়্যে 13:5

বাড়্‌বো গুরিবাত্যে আর গোজেনরে অগমান গুরিবাত্যে সেই য়েমান্নোরে কধা কবার্ খেমতা দিয়্যে অলঅ। সেই য়েমান্নো যেন বিয়াল্লিশ মাস ধুরিনে তা অধিকারান্ খাদেই পারে সেনত্যে তারে অনুমতি দিয়্যে অলঅ।

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 4:9

উমরত্যে জেদা প্রভু গোজেন, যিবে সিংহাসনত্ বৈ আঘে, এই জেদা পরাণবলাগুনে যেলক্কে তারে বাঈনী, সর্মান আর ভালেদি জানায়,