দানিয়েল 12:5 - Chakma Bible

⁵ সেক্কে মুই দানিয়েল রিনি চেইনে অন্য দ্বিজনরে মঅ মুজুঙোত্ থিয়্যেই থাগদে দেগিলুং। তারাত্তুন্ একজন গাঙ্ এপারত্ আর অন্যজন গাঙ্ উইপারত্ এলঅ।

দানিয়েল 12:5 Iomraidhean Croise

দানিয়েল 10:10

সেক্কে এক্কান আঢে মরে ধুরি মরে দ্বিআঢে আর আদু উগুরে ভর্ গুরি দিলো।

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 12:4

মাত্তর্ তুই, দানিয়েল, শেজ্ সময় ন-এজানা সং এই আগাম্ কধার্ বোইবো নাঢিনে তা কধানি সীলমহ্‌র গুরি থঅ। সে সময় ভিদিরে ভালোক্কুনে যিদু-সিদু যেবাক্ আর জ্ঞান বাড়িবো।”

দানিয়েল 12:6

মসীনার কাবড়-উজ্যে যিবে গাঙ পানি উগুরে এলঅ তারে সেই দ্বিজন ভিদিরে একজনে কলঅ, “এই বেক্ আমক্ অবার বেপারানি শেজ্ অদে কয়দিন লাগিবো?”