দানিয়েল 12:3 - Chakma Bible

³ যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

দানিয়েল 12:3 Iomraidhean Croise

যাত্রা 34:35

মানুচ্চুনে দেগিদাক্‌, মোশির্‌ মুয়োন্‌ জোল্‌জোল্যে পহর্‌ ওই যেইয়্যে। মোশি আরঅ‌ তার্‌ মুয়োন্‌ নাঢি দিদো আর লগেপ্রভুর্‌ লগে কধা কবাত্তে ন যানা সং তার্‌ মুয়োন্‌ নাঢি রাগেদ।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 3:35

জ্ঞানিগুনে সর্মান পেবাক্, মাত্তর্ বিবেচনা নেইয়্যে মানুচ্চুনোর পাওনা অলঅ লাজ্ পানা।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

উপদেশক 12:9

উপদেশকে নিজে জ্ঞানী এলঅ আর তে মানুচ্চুনোরেয়ো জ্ঞান পৌইদ্যেনে শিক্ষ্যে দিদো। তে ভাবি ভাবাই আর পোরোক্ষ্যে গুরিনে বোউত্ দাঘ কধানি সাজেয়্যে।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

দানিয়েল 11:33

সে মানুচ্চুনো ভিদিরে যিগুনোর বুঝিবার খেমতা আঘে তারা ভালোক্ জনরে শিক্ষ্যে দিবাক্, তো কিজু সময় ধুরি তারা ভিদিরে ভালোক্কুনে যুদ্ধোত্ মুরি যেবাক্, বা তারারে পুড়িনে মারা অবঅ, বা তারারে বন্দী গরা বা লুদো অবঅ।

দানিয়েল 11:35

যিগুনোর বুঝিবার খেমতা আঘে তারা ভিদিরে কারর্ কারর্ পতন অবঅ। ইয়েনর কারনে শেজ্ সময় ন-এযানা সং গোজেনর মানুচ্চুনোরে খাটি, শুদ্ধো আর থুদো নেইয়্যে গরা অবঅ; আর সেই শেজ্ সময়ান ঠিগ্ গরা আঘে।

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

যোহন 4:36

যে শোজ্য কাবে তে ইক্কিনে বেতন পার্ আর উমর্‌‌অ জিংকানিত্যে শোজ্য থুবেই রাগার্। সিয়েনত্যে যে বীজ্ সিদে আর যে শোজ্য কাবে, দ্বিজনে সং সং গুরি হুজী অন্।

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ইব্রীয় 5:12

এদক দিনে তমার্ মাষ্টর ওই উদোনা উজিত এলঅ, মাত্তর্ সিয়েনর্ বদলে গোজেনর্ আজল্ কধানি আরঅ তমারে শিক্ষ্যে দিবাত্যে মাষ্টরর্ দরকার ওই পোজ্জ্যে। দর হানার বদলে চিগোন গুরোগুনো ধোক্ক্যেন আরঅ তমাত্তুন্ দুধ হানা দরকার ওই পোজ্জ্যে।

২ পিতর 3:15

মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।