দানিয়েল 12:1 - Chakma Bible

¹ “সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

দানিয়েল 12:1 Iomraidhean Croise

গীতসংহিতা 56:8

মুই যে কয়বার পৌল্যেই পৌল্যেই বেড়েয়োং সে কধা দঅ তুই হবর্ পাজ্; মঅ চোগো পানিলোই তর্ পিলেবো তুই ভুরি নেযা। ইয়েনি বেক্কানি দঅ তঅ বোইবোত্ লেগা আঘে।

গীতসংহিতা 69:28

জেদাগুনোর নাঙানিত্তুন্ যেন তারার নাঙানি বাদ যায়, গোজেন ভক্তগুনোর্ নাঙানিত্তুন্ যেন তারার নাঙানি ন-থায়।

যিশাইয় 4:3

সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিহিষ্কেল 13:9

মঅ আঢ্‌তানি সেবাবোত্যে ভাববাদীগুনো বিরুদ্ধে উদিবো যিগুনে মিজে দর্শন দেগন্ আর মিজে গোণা-পড়া গরন্। মঅ মানুচ্চুনো সমাজত্ তারা ন-থেবাক্ বা ইস্রায়েলর বংশ লিস্টি ভিদিরে তারা নাঙানি ন-থেবঅ, আর ইস্রায়েল দেজত্‌অ তারা ফিরি এই ন-পারিবাক্। সেক্কে তুমি হবর্ পেবা যে, মুয়ই প্রভু লগেপ্রভু।

যিহিষ্কেল 34:24

মুই লগেপ্রভু তারার্ গোজেন ওম্ আর মর্ চাগর্ দায়ূদে তারার্ নেতা অবঅ। মুই লগেপ্রভু এ কধাগান কঙর্।

যিহিষ্কেল 5:9

তর্ বেক্ জঘন্য মূত্তিগুনোত্তে মুই তঅ উগুরে যিয়েনি গুরিম সিয়েনি মুই আগে কনদিন্‌অ ন-গরং আর কনদিন্‌অ ন-গুরিম।

দানিয়েল 10:13

মাত্তর্ পারস্য রেজ্যর আজল্লো এগোশ্ দিন সং মরে মানা গোজ্যে। সেক্কে মীখায়েল নাঙে আজল্ স্বর্গদূততুনোর এক্কো মরে সাহায্য গুরিবাত্তে এলঅ, কিত্যে মুই পারস্য রাজাগুনো ভিদিরে গায় গায় এলুং।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মথি লেখ্যে গম্ হবর্ 24:21

সেক্কে এমন্ দুঘ্ অবঅ যিয়েন্ জগদর্ আরাম্ভত্তুন্ ধুরি এ সময়ান সং কনদিন্অ ন-অয় আর নয়ো অবঅ।

মার্ক 13:19

কিয়া সে অক্তত্ এমন্ দুঘ্ অবঅ যিয়েন গোজেনে জগদ্‌থান সৃট্টিত্তুন্ ধুরি এ সময়ান সং ন-অয় আর সে পরেদিয়ো আর ন-অবঅ।

লূকে লেখ্যে গম্ হবর্ 10:20

মাত্তর্ ভান্ন্যেই আত্মাগুনে তমা কধা শুনোন্ বিলি হুজি ন-ওইয়ো বরং স্বর্গত্ তমা নাঙান্ লেগা ওইয়্যে বিলি হুজি ওইয়ো।”

রোমীয় 11:15

গোজেনে যিহূদীগুনোরে এলাফেলা গোজ্জ্যে বিলি যুনি গোজেন সমারে জগদর্ অন্য মানুচ্চুনোর্ মিলেমিলি অলঅ মাত্তর্ তে যেক্কে যিহূদীগুনোরে মানি লবঅ সেক্কে অবস্থাগান্ কি অবঅ? সিয়েন কি মরা মান্‌জ্যর্ জিংকানি পাইদ্যে ধোক্ক্যেন্ অবস্থা ন-অবঅ?

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

ইফিষীয় 1:21

আগাজত্ যিগুনো আঢত্ বেক্ শাসন, খেমতা, বল্ আর রাজাগিরি আঘে তারারে তে খ্রীষ্টর্ অধীন গোজ্জ্যে। আর যিবেরে যে নাঙ্ দিয়্যে অদঅ সাৎ, সিয়েন তে এ যুগোত্ ওক্‌ বা এজেত্তে যুগোত্ ওক্‌, বেক্‌ নাঙান উগুরে খ্রীষ্টর্ নাঙান্।

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

যিহূদা 1:9

আজল্ স্বর্গদূত্ মীখায়েলে যেক্কে মোশির কিয়্যেগান্দোই শদান সমারে তর্ক গরের্ সেক্কে তে তার্ বিরুদ্ধে কনঅ অগমানর্ কধা কোইনে তারে দুষি গুরিবাত্যে সাহচ্‌ ন-গরে। তে বরং কোইয়্যেদে, “প্রভু যেন তরে মানা গরে।”

ফগদাং পেইয়্যে 12:7

সে পরেদি স্বর্গত্ যুদ্ধো অলঅ। মীখায়েল আর তা অধীনোত্ স্বর্গদূত্‌তুনে সেই দানব আর তা দুত্‌তুনো সমারে যুদ্ধো গুরিলাক্।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।