দানিয়েল 11:4 - Chakma Bible

⁴ তে উদিবার পরেদি তা রেজ্যগান ভাঙিনে চেরোকিত্তেদি চের্‌‌ভাগ ওই যেবঅ। তা রেজ্যগান তা বংশধরুনো আঢত্ ন-যেবঅ; সেই রেজ্যগান যিগুনো আঢত্ যেবঅ আগ রাজাগুনো ধোক্ক্যেন তারার্ খেমতা ন-থেবঅ, কিত্যে তারার্ রেজ্যগান ভস্ত ওইনে অন্যগুনো আঢত্ যেবঅ।

দানিয়েল 11:4 Iomraidhean Croise

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

যিরমিয় 12:15

মাত্তর্ তারারে উগুরে ফেলানার পরেদি মুই আরঅ মেয়্যে গুরিনে তারার পত্তিজনরে তার নিজোর অধিকারে আর নিজোর দেজত্ ফিরেই আনিম।

যিরমিয় 12:17

মাত্তর্ যুনি কনঅ জাদে সিয়েন ন-গরন সালে তারে মুই পুরোপুরি গুরি উগুরে ফেলেইনে ভস্ত গুরি দিম। মুই লগেপ্রভু এ কধাগান কঙর্।”

যিরমিয় 18:7

কন্ সময় মুই কন্ জাতি বা রেজ্যর্ শিঙোর্ সুমুত্তো উগুরে ফেলেবার, ভাঙি ফেলেবার আর ভস্ত গুরিবার কধা ফগদাং গুরিলে যুনি সেই জাদ্‌তো মর্ উজিয়ার কধা শুনিনে তার ভান্ন্যেয়ত্তুন ফিরে, মাত্তর্ মুই যে দজাগান আনিবাত্তে ঠিগ্ গোজ্যং সিয়েন তা উগুরে ন-আনিম। ‌‌

যিরমিয় 31:40

গোদা কলগ্‌‍‍‍‍‍‍‍‍‍‍‍‍‍‍কানত্ যিয়েনত্ মরা কিয়্যেনি আর ছেই ফেলা অয় আর পূগেদি ঘোড়া-গেদোর্ কোণাবো সং কিদ্রোণ কলগর্ বেক মাঠ্‌তুন লগেপ্রভুর নাঙে যুদো গুরি রাগা অবঅ। শঅরানরে আর কনদিন্‌অ উগুড়ে ফেলানা বা ভস্ত গরা ন-অবঅ‍‍‍‍‍‍‍‍‍‍‍‍‍‍।”

যিরমিয় 45:4

“লগেপ্রভু মরে এ কধাগান তরে কবাত্তে কোইয়্যে, ‘মুই লগেপ্রভু সারা দেজ ভিদিরে যিয়েনি বানেয়োং সিয়েনি ভাঙি ফেলেম আর যিয়েনি লাগেয়োং সিয়েনি উগুড়েই ফেলেম।

যিরমিয় 49:36

মুই আগাজ চেরোকিত্তেত্তুন্ চেরান্ বোইয়্যের্ এলম বিরুদ্ধে আনিম। সে বোইয়্যেরত্ মুই তারারে চেরোকিত্তে ছিদি দিম; এলমর দূর্ গুরি দিয়্যে বন্দীগুনে বেক্ জাদ্‌‌‌তুনো ইধু যেবাক্।

যিহিষ্কেল 37:9

সেক্কে তে মরে কলঅ, “তুই বোইয়্যের নাঙে আগাম্ কধা কঅ; ও মান্‌‌‌‌‌জ্যর পুয়োবো, তুই এ আগাম্ কধানি কঅ, প্রভু লগেপ্রভু কোইয়্যেদে, ‘ও বোইয়্যেরান, তুই চেরোকিত্তেত্তুন্ আয় আর এই বেক্ মোজ্যন্দে মানুচ্চুনো ভিদিরে নিজেস্ দে যেনে তারা জেদা অন্।’”

দানিয়েল 7:6

সে পরেদি মুই রিনি চেইনে আর এক্কো য়েমান দেগিলুং। সিবে রিনি চাদে হোক্যে বাঘ ধোক্ক্যেন্ এলঅ। তা পিদোত্ পেগো ডুয়ো ধোক্ক্যেন চেরান ডুয়ো এলঅ। এ য়েমান্নোর চের্‌‌‌বো মাঢা এলঅ আর তারে কাবিদ্যঙগিরি গুরিবার খেমতা দিয়্যে অলঅ।

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

দানিয়েল 8:22

ভাঙি ফেল্যে শিঙুনো জাগানত্ সেই চের্‌বো শিং অলঅ চেরান রেজ্য যিয়েনি সেই জাদ ভিদিরেত্তুন্ নিগিলিবো মাত্তর্ সেই রেজ্যগানির্ রাজাগুনোর পত্তম রাজা ধোক্ক্যেন খেমতা ন-থেবঅ।

দানিয়েল 8:8

ছাগল্লো অমকদ বোলী ওই উদিলো, মাত্তর্ তে যেক্কেনে বোলী ওই উদিলো সেক্কেনে তার দাঙর্ শিঙো ভাঙি গেলঅ আর তা জাগানত্ চের্ কিত্তেদি চের্‌বো চোগোত্ পড়েদে ধোক্ক্যেন শিং উদিলাক্।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

সখরিয় 6:5

জোবত্ তে মরে কলঅ, “ইগুন আগাজর্ চেরান্ বোইয়্যের্; পুরো দুনিয়েগানত্ প্রভুর মুজুঙোত্ থিয়্যেই থানার্ পরেদি ইয়েনি নিগিলি এজের্।

মথি লেখ্যে গম্ হবর্ 12:25

তারা কি ভাবদন্ সিয়েন যীশু কোই পারিদো আর তারারে কলঅ, যে রেজ্যগান নিজো ভিদিরে ভাগ্ ওই যায় সে রেজ্যগান্ ভস্ত অয়। আর যে শঅরান্ বা পরিবার্‌‌বো নিজো ভিদিরে ভাগ্ ওই যায় সে শঅর্ বা পরিবার ন-টিগে।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

ফগদাং পেইয়্যে 7:1

ইয়েনর্ পরেদি মুই চেরজন স্বর্গদূতোরে পিত্‌থিমীর চের্ কোণাত্ থিয়্যেই থাগদে দেগিলুং। তারা পিত্‌থিমীত চের্ কোণাত্ বৈয়্যেরানরে আক্‌সোই রাগেয়োন, যেন পিত্‌থিমী, সাগর বা কনঅ গাজ উগুরে বৈয়্যের্ ন-বায়।