দানিয়েল 11:22 - Chakma Bible

²² যে দরমর সৈন্যদল্লো তা বিরুদ্ধে থিয়্যেব তারা উদি যেইনে ভস্ত ওই যেবাক্ আর চুক্তির্ নেতাবোয়ো ভস্ত ওই যেবঅ।

দানিয়েল 11:22 Iomraidhean Croise

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

দানিয়েল 11:10

তা পুয়োগুনে যুদ্ধোত্তে যুক্কোল্ ওইনে এক বিরেট্ সৈন্যদল তুবেবাক্ আর দর্‌‌‌গরেপারা বান পানি ধোক্ক্যেন উজেই যেইনে যুদ্ধো গত্তে গত্তে দোগিণো রাজার তাম্বুলান সং যেবাক্।

দানিয়েল 11:23

চুক্তির্ পরেদিয়ো সেই রাজাবো ছলনা গুরিবো আর বানা কয়েক্কো মান্‌‌‌‌‌‌‌জ্যর বলে খেমতা পেবঅ।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

আমোষ 8:8

ইয়েনত্তে কি দেজ্‌‌‌‌‌‌চান গির্‌‌‌‌‌‌নগিরেব? সিয়েন ভিদিরে বজত্তি গুরিয়্যে বেক্কুনে কি আবিলেচ্ ন-গুরিবাক্? পুরো দেজ্‌‌‌‌‌‌চান মিসরর্ য়্যাল্ গাঙ ধোক্ক্যেন ফুলি উদিনে অশান্ত অবঅ আর সে পরেদি লামিবো।”

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।