দানিয়েল 11:21 - Chakma Bible

²¹ যিবেরে রাজা অবার্ অধিকার দিয়্যে ন-অয় এমন এক্কো ঈচ্ গরা হেইয়্যে মানুচ্ তা জাগানত্ রাজা অবঅ। মান্‌জ্যে যেক্কে নিচিদে থেবাক্ সেক্কে সে কুজুরোমীর মাধ্যমে রেজ্যগান গজক্ গুরিবো।‌‌‌‌‌

দানিয়েল 11:21 Iomraidhean Croise

গীতসংহিতা 12:8

মানুচ্চুনে যেক্কে ভান্ন্যেয়ানিরে সর্মান গরন্ পাজিগুনে সেক্কে এনেবাদে ঘুরোঘুরি গরন।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

যিশাইয় 32:5

চিগোন মন মানুচ্চনোরে আর কুয়ো ন-অবঅ গম্ মানুচ্, বা সতানুনোরেয়ো আর কুয়ো ন-অবঅ সর্মানি মানুচ্,

দানিয়েল 11:20

তা জাগানত্ যে রাজা অবঅ তে রেজ্যর্ সয়-সাগোজ্যে ফিরেই আনিবাত্তে খাজানা আদায়গুরিয়্যেগুনোরে পাদেব। মাত্তর্ কয়েক বজর ভিদিরে তে ভস্ত ওই যেবঅ; এই ভস্ত অনাগান কনঅ রাগ বা যুদ্ধোর্ মাধ্যমে ন-এবঅ।

দানিয়েল 11:32

যিগুনে পবিত্র সুদোম অমান্য গুরিবাক্ বাজে কধা কন্ তে তারারে ভান্ন্যেই পধেদি নেযেব, মাত্তর্ যে মানুচ্চুনে তারার্ গোজেনরে হবর্ পান তারা খুব দরমর গুরি তারে মানা গুরিবাক্।

দানিয়েল 11:34

এ অক্তত্ তারা কম্ সাহায্য পেবাক্ আর ভালোক্কুনে কোজোলী গুরিনে তারা সমারে মিজেবাক্।

দানিয়েল 11:7

সে মিলেবোর গিরি ভিদিরেত্তুন্ একজনে তা বাবর্ রাজ পদত্ নিবাত্তে উদিবো। ‌তে উত্তোরে রাজার সৈন্যদলরে আক্রমন গুরিনে তা তাম্বুলানত্ সোমেব আর তারা বিরুদ্ধে যুদ্ধো গুরিনে জিদিবো।

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

দানিয়েল 8:23

তারার্ রাজাগিরির শেজদি যেক্কে পাপ এত বেশ্ অবঅ সেক্কে এক্কো অমকদ চিৎনপুজ্যে আর চালাক্ রাজা উদিবো।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

দানিয়েল 8:9

সেই শিঙুনোত্ এক্কোত্তুন্ আর এক্কো শিং উদিলাক্; সিগুন পৌইল্যাদি চিগোন এলাক্ মাত্তর্ পরেদি দোগিণ, পূগ আর দোল্ দেজ ইন্দি দাঙর্ উয়ো ধুরিলাক্।

নহূম 1:14

ও নীনবী শঅরান, লগেপ্রভু তঅ পৌইদ্যেনে কত্তে, “তঅ নাঙান্ রোক্ষ্যে গুরিবাত্তে তইধু কনঅ মানুচ্ ন-থেবাক্। তঅ দেব-দেবেদাগুনোর্ মন্দিরোত্ যিদুক্কুন আরুগ্ আর মূত্তি আগন্ সিগুন মুই ভস্ত গুরি ফেলেম। তুই অপদাত্ত বিলি মুই তঅ গোরান্ যুক্কোল্ গুরিম।”

১ শমূয়েল 3:13

মুই তারে কঙর্‌, অন্যেয়র কারণে তার বংশবোরে মুই উমরত্যে সাজা দিবাত্যে যাঙর্‌। তে কোই পারিদো, তার পূঅগুনে নিজো মাদাগুনোর অভিশাব ডাগি আন্যন্‌, অদচ তে তারার্ বুদুলিবার্ চেট্টা ন-গরে।