দানিয়েল 11:15 - Chakma Bible

¹⁵ সে পরেদি উত্তর রাজা এইনে এক্কান দেবাল-ঘিজ্যে শঅর্ ঘিরিনে সিয়েন গজক্ গুরিবো। দোগিণো সৈন্যদলর মানা গুরিবার খেমতা ন-থেবঅ; এন্ কি, তারার বেগত্তুন্ গম্ সৈন্যদলরঅ তারা বিরুদ্ধে থিয়্যেবার খেমতা ন-থেবঅ।

দানিয়েল 11:15 Iomraidhean Croise

যিরমিয় 33:4

বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিরমিয় 5:10

“ও জাদ্‌তুন, তুমি যিরূশালেমর আংগুর খেত্‌‌‍‌‍তানিত্ যেইনে সিয়েনি ভস্ত গরঅ মাত্তর্ পুরোপুরি বর্‌‌বাত ন-গোজ্য। সিয়েনর ডেলাগুন কাবি ফেলঅ, কিত্তে এ মানুচ্চুন লগেপ্রভুর নয়।‍,

যিরমিয় 52:4

সেনত্তে তার রাজাগিরির্ নয় বজরর্ দশ মাজত্ দশ দিনোত্ বাবিল রাজা নবূখদ্‌নিৎসরে তার বেক্ সৈন্যগুন নিইনে যিরূশালেম বিরুদ্ধে যুদ্ধোযাত্রা গুরিলো। তারা শঅরর্ বারেদি তাম্বুল্ ফেলেলাক্ আর শঅরর্ চেরোকিত্তে দেবাল্ বানেলাক্।

যিরমিয় 6:6

বেগত্তুন খেমতাবলা লগেপ্রভু তারারে এ কধাগান কোইয়্যেদে, “তুমি গাজ্‌চুন কাবিনে সিয়েনিলোই যিরূশালেমর বিরুদ্ধে তার দেবালান সমারে ভিদেকুড়্ বানঅ। এ শঅরানরে সাজা দিয়্যে পুরিবো; ইয়েন অত্যেচারে ভুরি যেইয়্যে।‌‌‌‌

যিহিষ্কেল 17:17

যুদ্ধোত্ যেক্কে ভালোক্কানি জিংকানি ভস্ত গুরিবাত্তে অজল্ কুড়্ আর নিযো কুড়্ বানা অবঅ সেক্কে ফরৌণর খেমতাবলা দাঙর্ সৈন্যদলুনে তারে সাহায্য ন-গুরিবাক্।

যিহিষ্কেল 4:2

তা চেরোকিত্তে এবাবোত্যেগুরি ঘিজ্যে দেগা: তা বিরুদ্ধে এক্কান অজল্ দেবাল্ বানা, শঅরর্ দেবাল লগে এক্কো উবো দেবাল্ বানা, শঅরর্ বিরুদ্ধে সৈন্যগুনোর তাম্বুল্ টাঙা আর দেবাল চেরোকিত্তে দেবাল্ ভাঙেদে মেশিন্ বজা।

দানিয়েল 11:14

সেই সময়োত্ ভালোক্কুনে দোগিণো রাজার বিরুদ্ধে উদিবাক্। এ দর্শনান্ যেনে পূরোণ অয় সেনত্তে তর্ নিজো জাদ ভিদিরেত্তুন্ দুদ্দান্ত মানুচ্চুনে উল্লোমী গুরিবাক্, মাত্তর্ ফোলেই ন-পারিবাক্।

দানিয়েল 11:6

কয়েক বজর্ পরেদি তে উত্তোরেদি রাজাগুনোর লগে দাংগুত্ব গুরিবো। দাংগুত্বে দোগিণেদি রাজার ঝিবোরে উত্তোরেদি রাজার লগে বৌ দিয়্যে অবঅ, মাত্তর্ সেই ঝিবো সে দাংগুত্বগান রোক্ষ্যে গুরি ন-পারিবো আর সেই রাজা আর তার খেমতাগান্‌অ থিদেবর্ ন-অবঅ। সেই মিলেবোরে, তা রোক্ষীগুনোরে, তা বাবরে আর তার সাহায্যগুরিয়্যেগুনোরে মারে ফেলা অবঅ।

দানিয়েল 8:7

মুই দেগিলুং ছাগল্লো সেই ভেড়াবোরে অমকদ আঘাত্ গুরিনে তার শিং দ্বিবে ভাঙি ফেলেল। তা মুজুঙোত্ ভেড়াবোর থিয়্যেবার কনঅ খেমতা ন-রলঅ; ছাগল্লো তারে মাদিত্ ফেলেইনে টেঙোই উরো ধুরিলো। তা আঢত্তুন্ ভেড়াবোরে উদ্ধোর্ গুরি পারে এবাবোত্যে কনজন ন-এলঅ।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।