দানিয়েল 10:8 - Chakma Bible

⁸ সেনত্তে মুই গায় গায় সেই মহৎ দর্শনান দেগিলুং। মঅ ভিদিরে কনঅ বল্ ন-থেলঅ, মঅ মুয়োন মরা ধোক্ক্যেন সুদোমু ওই গেলঅ আর মুই বল্‌পোজ্যে ওই পড়িলুং।

দানিয়েল 10:8 Iomraidhean Croise

পত্থম 32:31

যাকোবে যেক্কে পনূয়েলত্তুন্‌ যাহ্ ধুরিলো সেক্কে বেলান উদি যেইয়্যে। তা উলুহুল্লো অবস্থাগান্‌দোই তে লেঙা ধোজ্যে।

যাত্রা 3:3

এ ঘটনাগান দেগিনে তে মনে মনে কলঅ, “মুই এক কিত্তেদি যেইনে এ আমক্‌ অবার ঘটনাগান্‌ রিনি চেম্বোই, চেম্বোই ঝুপ্পো কিত্তে পুড়ি ন-যার্‌।”

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 10:17

ও মর্ প্রভু, মুই তর্ চাগর্, মুই কিবাবোত্যেগুরি তঅ লগে কধা কোম্? মর্ বল্ নেই আর মঅ ভিদিরে নিজেস্অ নেই।”

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

দানিয়েল 8:7

মুই দেগিলুং ছাগল্লো সেই ভেড়াবোরে অমকদ আঘাত্ গুরিনে তার শিং দ্বিবে ভাঙি ফেলেল। তা মুজুঙোত্ ভেড়াবোর থিয়্যেবার কনঅ খেমতা ন-রলঅ; ছাগল্লো তারে মাদিত্ ফেলেইনে টেঙোই উরো ধুরিলো। তা আঢত্তুন্ ভেড়াবোরে উদ্ধোর্ গুরি পারে এবাবোত্যে কনজন ন-এলঅ।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

মথি লেখ্যে গম্ হবর্ 17:6

এ কধাগান্ শুনিনে শিচ্চ্যগুনে অমকদ দোরেইনে মাদিত্ মাঢা নিগিরি পড়িলাক্।

মার্ক 9:6

তে আর অন্যগুনে অমকদ দোরেয়োন্দে যে তে হবর্ ন-পেদঅ কি কোইয়্যে।

যোহন 16:32

চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,