দানিয়েল 10:16 - Chakma Bible

¹⁶ সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 10:16 Iomraidhean Croise

যাত্রা 4:10

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

যাত্রা 4:13

জোবত্‌ মোশি কলঅ, “ও প্রভু, মুই কোজোলী গরঙর্‌, অন্য কনজনরে দিইনে তুই এ হবরান্ পাধেই দে।”

উপদেশক 1:18

কিত্তে জ্ঞান বাড়িলে তা সমারে বোউত কাঙেলেত্যে বাড়ে, আর যেদক্ বুদ্ধি বাড়ে সেদক্ জ্বালা বাড়ে।

যিশাইয় 6:7

সেই আঙারাবো তে মঅ মুয়োনত্ বাজেইনে কলঅ, “চাহ্, ইবে তঅ মুয়োনত্ বাস্যে; তঅ ভান্ন্যেয়ানি দূর্ গরা ওইয়্যে আর তঅ পাপ্‌পানি ফুজি ফেলা ওইয়্যে।” ‌‌

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিহিষ্কেল 1:26

সিয়েনত্ নীলকান্তমণির সিংহাসন ধোক্ক্যেন কিজু এক্কান দেগা গেলঅ। সেই অজলত্ থেইয়্যে সিংহাসন উগুরে মান্‌‌জ্য সাইজো ধোক্ক্যেন একজনরে দেগা গেলঅ।

যিহিষ্কেল 3:27

মাত্তর্ মুই তঅ লগে কধা কবার সময় তঅ মুয়োন্ খুলি দিম্ আর তুই তারা ইধু প্রভু লগেপ্রভুর কধা কবে। তারা ভিদিরে যে শুনিবাত্তে চায় তে শুনোক্ আর যে শুনিবাত্তে ন-চায় তে ন-শুনোক্; তারা দঅ এক্কো উল্লোমী জাদ্।”

যিহিষ্কেল 33:22

মানুচ্চো লুমিবার আগেদি সাজোন্যে অক্তত্ লগেপ্রভুর আঢ্‌‌‌‌‌‌‌‌তানি মঅ উগুরে এলঅ আর বেন্যে অক্তত্ মানুচ্চো মইধু এবার্ আগেদি তে মর্ মুয়োন খুলি দিলো। সেনত্তে মুই কধা কুয়ো ধুরিলুং, আর অলর্ গুরি ন-রলুং।

দানিয়েল 12:8

মুই শুনিলুং ঠিগ্ মাত্তর্ কিচ্চু ন-বুঝিলুং। সেনত্তে মুই পুযোর্ গুরিলুং, “ও মর্ প্রভু, ইয়েনি বেক্কানির্ শেজর্ ফল কি অবঅ?”

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 7:15

সেক্কে মুই দানিয়েলর্ স্ববনানত্ মনত্ দুঘ পেলুং আর মুই যিয়েনি যিয়েনি দেখ্যং সিয়েনি মরে কাঙেলেত্যেত্ ফেলেল।

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 8:15

মুই দানিয়েল যেক্কে দর্শনর্ ভেদ্‌তান্ বুঝিবার চেট্ট্যা গুরিলুং সেক্কে মান্‌‌জ্য ধোক্ক্যেন চাদে এক্কো মঅ মুজুঙোত্ এইনে থিয়্যেল।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

দানিয়েল 8:18

তে যেক্কেনে মঅ লগে কধা কর্ সেক্কে মুই মাঢা নিগিজ্যে অবস্থায় অজ্ঞান ওই পড়ি গেলুং। তে মরে ধুরিনে টেঙোই ভর্ দিইনে থিয়্যেবাত্তে দিলো।

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

লূকে লেখ্যে গম্ হবর্ 1:64

আর সেক্কে সখরিয় মুয়োন্ আহ্ জিলান্ খুলিলো আর তে কধা কনা আহ্ গোজেনরে বাঈনী গরা ধুরিলো।।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

যোহন 20:28

সেক্কে থোমা কলঅ, “ও মঅ গিরোজ্, ও মঅ গোজেন।”

যিহোশূয় 5:14

জোবত্‌ তে কলঅ‌, “মুই কারঅ‌ পক্ষর মানুচ্‌ নয়। মুই লগেপ্রভুর সৈন্যদলর সেনাপতি; ইক্কিনে মুই ইয়েনত্‌ এচ্চ্যং।” এ কধা শুনিনে যিহোশূয় মাটিত্‌ আদু পাড়ি পড়িনে তারে সালাম্‌ গুরিলো আর পুজোর্‌ গুরিলো, “মঅ গিরোজ্‌ তা চাগর্‌বোরে কি কিজু কবাত্তে চায়?”

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

বিচের গুরিয়্যেগুন 13:8

এই কধাগান শুনিনে মানোহ লগেপ্রভুর ইদু ইয়েন কোইনে তবনা গুরিলো, “ও প্রভু, গোজেনর্‌ যে মানুচ্চোরে তুই আমা ইদু পাধেই দুয়োচ্‌, মুই কোজোলি গরঙর্‌ আরঅ যেনে তে এজে আর যে পূঅবোর জর্ম অবঅ তারে আমাত্তুন কি গরা পুরিবো সিয়েন আমারে শিগেই দে।”

বিচের গুরিয়্যেগুন 6:13

জোবত্‌ গিদিয়নে কলঅ, “মাত্তর্‌ ও মর্‌ প্রভু, যুনি লগেপ্রভু আমা লগে থায় সালে এদক্কানি কিত্তেই আমা উগুরে ঘদের্‌। কুদু গেলগোই তার সেই আমক্‌ অবার্‌ কামানি যিবের কধা কবাত্তে যেইনে আমা পূরোণি বুড়োবুড়িগুনে আমারে কদাক্‌, লগেপ্রভু মিসর দেজত্তুন্‌ তারারে নিগিলেই আন্যে। মাত্তর্‌ তে দঅ ইক্কিনে আমারে ভুলি যেইয়্যে আর মিদিয়নীয়গুনোর আঢত্‌ তুলি দিয়্যে।”

বিচের গুরিয়্যেগুন 6:15

গিদিয়োনে কলঅ, “মাত্তর্‌ ও মর্‌ প্রভু, মুই কেধোক্কেন্‌ গুরিনে ইস্রায়েলীয়গুনোরে উদ্ধোর গুরিম্‌। মনঃশি-গুট্টি ভিদিরে আমা বংশবো বেগত্তুন তলে, আর আমা গিরি ভিদিরে মর্‌ কনঅ দাম্‌ নেই।”