দানিয়েল 10:12 - Chakma Bible

¹² তে কুয়ো ধুরিলো, “দানিয়েল, ন-দোরেচ্। পত্তম্ যেদিন্যে তুই দর্শনানর পৌইদ্যেনে বুঝিবাত্তে আর তর্ গোজেন মুজুঙোত্ মনান্ ভাঙিনে দুঘ্ স্বীগের্ গুরিবাত্তে মনান্ থির্ গোজ্যস সেদিন্যে তঅ কধা শুনো ওইয়্যে আর সেনত্তে মুই এচ্চ্যং।

দানিয়েল 10:12 Iomraidhean Croise

গীতসংহিতা 69:10

মর্ কানানিগান আর মর্ উবোস্ থানার্ দুঘ্‌কান মর্ দুন্নামর্ বেপার ওইয়্যে।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 58:9

সেক্কে তুমি তবনা গুরিলে মুই জোব্ দিম; তুমি সাহায্যত্তে ডাগিলে মুই কোম্, এইয়্যে দঅ মুই। যুনি তুমি তমাত্তুন্ অত্যেচারীগুনোর জুঙোলানি, ঠাট্টা মজ্‌‍‌কারি আর ইংসেমুলক্ কধাবাত্তানি ছাড়ি দুয়ো,

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

দানিয়েল 10:11

তে কলদে, “ও গোজেনর কোচ্‌‌পেইয়্যে দানিয়েল, মুই তরে যে কধাগান কবাত্তে যাঙর্ সিয়েনত্ গমেডালে মনযোগ দে। তুই উদিনে থিয়্যে, কিত্যে মরে ইক্কিনে তইধু পাধা ওইয়্যে।” তে মরে এ কধাগান কনার্ পরেদি মুই গির্‌‌গিরেদে গির্‌‌গিরেদে উদিনে থিয়্যেলুং।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

লেবীয় 16:29

ইয়েনর্ পরেদি যিয়েন্‌ কঙর্‌ সিয়েন্‌ তমাত্তে এক্কান্‌ থিদেবর ‍সুদোম ওই থেবঅ। বজরর্‌ সাত্‌ মাজর্‌ দশ দিনোত্‌ তুমি বেক্কুনে নিজোর্‌ মনানি ভাঙিচুরি দুঘ্ স্বীগের্‌ গুরিবা। সে দিনোত্‌ কনঅ কাম্‌ গরানা ন-চুলিবো। ইস্রায়েলীয় ওক্‌ কিম্বা ইস্রায়েলীয়গুনোর্‌ ভিদিরে বজত্তি গোজ্যে অন্য জাদর্‌ মানুচ্‌ ওক্‌, বেক্কুনোত্তুন্‌ সিয়েন্‌ মানা পুরিবো,

লেবীয় 16:31

এ দিন্নো অবঅ তমার কামত্তুন্‌ জিরেবার্‌ দিন। এ দিনোত্‌ তুমি বেক্কুনে নিজোর্‌ মনানিরে ভাঙিনে দুঘ্ স্বীগের্‌ গুরিবা। ইয়েন্‌ অবঅ এক্কান্‌ থিদেবর্ গোজ্যে ‍সুদোম।

গণাণা 29:7

এই সাত মাজর্ দশ দিনোত্অ এক্কো সুদ্ধো-সাংগ মিলন-সভা গরা পুরিবো। এই দিন্নোত্‌ তুমি পত্তিজনে নিজোর্‌ মনানি ভাঙিচুরি দুখ্‌ স্বীগের গুরিবা আর বেক্‌ কাম গরানাগানি বন্ধ রাগেবা।

মথি লেখ্যে গম্ হবর্ 28:10

যীশু তারারে কলঅ, “ন-দোরেয়ো; তুমি যেইনে ভেইয়ুনোরে গালীলোত্ যেবাত্তে কঅ। তারা সিধু মরে দেগিবাক্।”

মথি লেখ্যে গম্ হবর্ 28:5

স্বর্গদূত্তো মিলেগুন্দোই কধা কলঅ, তে কলঅ, “তুমি ন-দোরেয়ো, কিয়া মুই হবর্ পাং, যিবেরে ক্রুশোত্ দিয়্যে ওইয়্যে তুমি সেই যীশুরে তগর্।

মার্ক 16:6

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

লূকে লেখ্যে গম্ হবর্ 1:13

স্বর্গদূত্তো তারে কলঅ, “সখরিয়, ন-দোরেচ্, কিয়া গোজেনে তঅ তবনাগান্ শুন্ন্যে। তঅ মোক্কো ইলীশাবেতর্ এক্কো পুয়ো অবঅ। তুই তা নাঙান্ রাগেবে যোহন।

লূকে লেখ্যে গম্ হবর্ 1:30

স্বর্গদূত্তো তারে কলঅ, “মরিয়ম, ন-দোরেচ্, কিয়া গোজেনে তরে অমকদ দোয়্যে গোজ্যে।

লূকে লেখ্যে গম্ হবর্ 2:10

স্বর্গদূত্তো তারারে কলঅ, “ন-দোরেয়ো, কিয়া মুই তমাইধু ভারী হুজির্ হবর্ আন্যং। এ হুজিগান্ বেক্ মানুচ্চুনোত্তে।

লূকে লেখ্যে গম্ হবর্ 24:38

যীশু তারারে কলঅ, “কিত্ত্যে তুমি থির্ নেইয়্যে অর্ আর কিত্ত্যে বা তমা মনত্ সন্দেহ জাগের্?

প্রেরিত্‌ 27:24

‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,