দানিয়েল 10:1 - Chakma Bible

¹ পারস্যের রাজা কোরসর রাজাগিরির তিন বজরত্ যিবেরে বেল্টশৎসর নাঙ্ দিয়্যে ওইয়্যে সেই দানিয়েল ইধু এক্কান বিষয় ফগদাং অলঅ। বিষয়ান সত্য আর সিয়েন এক দাঙর্ দুঘো পৌইদ্যেনে। এক্কান দর্শনর মাধ্যমে সেই বিষয়ান তারে বুঝা অলঅ।

দানিয়েল 10:1 Iomraidhean Croise

পত্থম 41:32

এ স্ববনান্‌ রাজা বাবুরে দ্বিপল্লা দেগেয়্যে। ইয়েন অত্তগান অলঅ, গোজেনে এ পৌইদ্যেনে তা মনান্‌ ঠিগ্‌ গুরি ফেল্যে আর যাদিমাদি তে সিয়েন্‌ ঘোদেব।

২ বংশধর 36:22

যিরমিয়োর মাধ্যমে কোইয়্যে লগেপ্রভুর কধাগান্‌ পূরণ অবাত্তে পারস্যের রাজা কোরসর রাজাগিরির্‌ পত্তম্‌ বজরত্‌ লগেপ্রভু কোরসর মনানত্‌ এন্‌ আওজ্ দিলো যিয়েনত্তে তে তার্‌ পুরো রেজ্যত্‌ মুয়োন্দি আর লেখ্যেগুরিনে এ ফগদাঙান্‌ গুরিলো:

ইষ্রা 3:7

তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।

ইষ্রা 4:3

মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

ইষ্রা 4:5

তারার্ বিরুদ্ধে কাম গুরিনে তারার্ উদ্দেশ্যগান বাদ দিবাত্তে তারা পারস্যের রাজার কামগুরিয়্যেগুনোরে টেঙা দিলাক। তারা রাজা কোরসর পুরো রাজাগিরিত্ আর সে পরেদি রাজা দারিয়াবসর রাজাগিরিত্ সেই একই কাম গরা ধুরিলাক্।

ইষ্রা 6:14

ভাববাদী হগয় আর ইদ্দোর বংশধর সখরিয় গোজেনর্ কধা মজিম্ উচ্চোমি দের্ আর তা সমারে সমারে যিহূদীগুনোর বুড়ো নেতাগুনে গাথনি কামান্ গমেডালে চালেই যাহ্ ধুরিলাক্। ইস্রায়েলর্ গোজেনর্ উগুম মজিম্ আর পারস্যের রাজা কোরস, দারিয়াবস আর অর্তক্ষস্তর উগুমে তারা উবোসনা-ঘরান্ বানেবার কামান্ থুম্ গুরিলাক্।

ইষ্রা 6:3

রাজা কোরসর রাজাগিরির্ পত্তম বজরত্ যিরূশালেমর্ গোজেনর্ ঘর বেপারে তে এই উগুমান দিলো: “য়েমান উৎসর্গর জাগা ইজেবে উবোসনা ঘরান আরঅ বানা ওক্ আর সিয়েনর্ গড়াগান্ দরমরগুরি থিদেবর্ গরা ওক্। সিয়েন অবঅ ষায়েট আঢ্ অজল্ আর ষায়েট আঢ্ পাদাজ্যে।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 1:21

রাজা কোরসর রাজাগিরির পত্তম বজর্ সং দানিয়েলে রাজা কামত্ অদে অদে রলঅ।

দানিয়েল 1:7

সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 11:2

ইক্কিনে মুই তরে যিয়েনি কোম্ সিয়েনি ঘেচ্চেক্‌গুরি ঘুদিবো। পারস্যেত্ আরঅ তিন্নো রাজা রাজাগিরি গুরিবাক্। তারা পরেদি আর এক্কো রাজা অন্য রাজা গুনোত্তুন্ বোউত্ বেশ্ তাগোয়্যে অবাক্। তার ধনানিলোই দরমর অনার পরেদি তে গ্রীস রেজ্যর্ বিরুদ্ধে বেক্কুনোরে উত্তেজিত গুরিবো।

দানিয়েল 12:4

মাত্তর্ তুই, দানিয়েল, শেজ্ সময় ন-এজানা সং এই আগাম্ কধার্ বোইবো নাঢিনে তা কধানি সীলমহ্‌র গুরি থঅ। সে সময় ভিদিরে ভালোক্কুনে যিদু-সিদু যেবাক্ আর জ্ঞান বাড়িবো।”

দানিয়েল 12:9

জোবত্ তে কলঅ, দানিয়েল, তুই এ পৌইদ্যেনে আর চিদে ন-গুরিচ্, কিত্যে শেষ সময়ান ন-এযানা সং এই বেক্ কধানি নাঢিনে সীলমহ্‌‌‌‌‌‌‌র গুরি রাগা ওইয়্যে।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 4:8

যেরেদি দানিয়েলে মঅ মুজুঙোত্ এজানার পরেদি মুই তারে স্ববনান্ কলুং। মঅ দেবেদাবোর নাঙানি অনুসারে তারে বেল্টশৎসর নাঙ্ দিয়্যে অলঅ। তা ভিদিরে সুদ্ধো-সাংগ এমন কিজু আঘে যিয়েনি এ পিত্‌‌থিমীর নয়।

দানিয়েল 5:12

তে দানিয়েল নাঙে এ মানুচ্চোরে বেল্টশৎসর বিলি ডাগিদো। তা ভিদিরে অমকদ গুণ, জ্ঞান, বুদ্ধি, স্ববনর্ ভেদ্‌তানি কোই দিবার খেমতা, গুমুরো কধানি ভাঙি দেনা আর আঘাত্যে ভেজালানি জোব্ দিবার খেমতা দেগা যেইয়্যে। তুই দানিয়েলরে ডাগিনেই আন্; এ লেগাগানর ভেদ্‌তান্ তেয়ই তরে কোই দিবো।”

দানিয়েল 5:17

সেক্কে দানিয়েলে জোবত্ রাজারে কলঅ, তঅ বক্‌‌‌শিজ্‌‌‌চান তর্ থোক্ বা সিয়েনি তুই অন্য কাররে দিচ। মাত্তর্ মুই মহারাজ ইধু লেগাগান পড়িম আর সিয়েনর ভেদ্‌তান্ তারে কোম্।

দানিয়েল 6:28

এধোক্ক্যেনগুরি দারিয়াবস আর পারসীক রাজা কোরসর রাজাগিরির সময়োত্ দানিয়েলে গমেডালে এলঅ।

দানিয়েল 8:16

মুই এক্কো মান্‌‌জ্য রঅ শুনিলুং; সেই রবো ঊলয় ছড়া ভিদিরেত্তুন্ ডাগিনে কলঅ, “গাব্রিয়েল, এ দর্শনানর ভেদ্‌তান্ এ মানুচ্চোরে বুঝেই দে।”

দানিয়েল 8:26

“তরে সাজোন্যে আর বেন্যেমাদান্ উৎসর্বর পৌইদ্যেনে যে দর্শনান্ দেগা ওইয়্যে সিয়েন সত্য, মাত্তর্ এ দর্শনান্ সীলমহ্‌‌‌র গুরি রাগা, কিত্যে সিয়েন ভবিচ্চদে বোউত্ পরেদি অবঅ।”

লূকে লেখ্যে গম্ হবর্ 1:20

চাহ্, মঅ কধাগান সময়মজিম্ পূরোণ অবঅ, মাত্তর্ তুই মঅ কধাগান বিশ্বেজ্ ন-গরচ্ বিলি ববা ওই থেবে। যেদক বিলোন্ সং ইয়েনি বেক্কানি ন-ঘদে সেদক্ বিলোন্ সং তুই কধা কোই ন-পারিবে।”

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”