দানিয়েল 1:9 - Chakma Bible

⁹ গোজেনে সেই রাজার কামগুরিয়্যেবো মনত্ দানিয়েলত্তে দোয়্যে আর মেয়্যে দেগেল।

দানিয়েল 1:9 Iomraidhean Croise

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

১ রাজাবলী 8:50

তর্‌ যে মানুচ্চুনে তঅ বিরুদ্ধে পাপ গোজ্যন্‌ সে মানুচ্চুনোরে তুই খেমা গুরিচ্‌ আর তঅ বিরুদ্ধে যেইয়্যে তারার্‌ বেক্‌ দুষছানিয়ো খেমা গুরিচ্‌। তারারে যিগুনে বন্দী গুরি নেযেয়োন সে মানুচ্চুনোর মনানি এবাবোত্যে গুরিচ্‌ যেনে তারা তারা উগুরে দোয়্যে গরন্‌;

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

ইষ্টের 2:9

মিলেবোরে হেগয়র্‌ অমকদ গম্‌ লাগিলো আর হেগয় ইত্তুন্‌ মিলেবো গম্‌ বেবহার্‌ পেলঅ। হেগয়ে পৌইল্যাত্তুন্‌ ধুরি তার্‌ দোলান্‌ বাড়েবাত্তে পযাপিরানি দিলো আর বিশেজ্ হানা দিলো। তে রাজঘরত্তুন্‌ বেঈ লোইনে সাতজন চাগর্‌ তাত্তেই নেযেল আর হারেমর বেগত্তুন্‌ গম্‌ জাগানত্‌ তারে আর তার্‌ চাগরানীগুনোরে রাগেল।

ইয়োব 5:15

তে ধারেয়্যে জিলোর্‌ আধত্তুন্‌ নাদামানুচ্চুনোরে বাঁজায়; বোলিগুনোর্‌ মুদোত্তুন্‌ তারারে রোক্ষ্যে গরে।

ইয়োব 5:16

সেনত্তে অসহায় মানুচ্চুনে আজালোই বুক্কো বানন্‌, আর অবিচের্‌ বন্ধ ওই যায়।

গীতসংহিতা 106:46

যিগুনে তারারে বান্ন্যন্ তারা ইদু তে তারারে দোয়্যে-মেয়্যেবলা বানেল।

গীতসংহিতা 4:3

তুমি হবর্ পেবা, লগেপ্রভু তা ভক্তগুনোরে তা নিজোত্তে ফারক্ গোজ্যে; মুই ডাগিলে তে শুনিবো।

গম্ উপদেজ্ 16:7

মান্‌‌জ্যর জিংকানি চেইনে যেক্কেনে লগেপ্রভু হুজি অয় সেক্কেনে তে তার শত্রুগুনোরেয়ো তা সমারে গমেডালে বজত্তি গরায়।

দানিয়েল 1:10

মাত্তর্ সেই কামগুরিয়্যেবো দানিয়েলরে কোইয়্যেদে, “যিবে তমার হানা আর আংগুর-রসর বেবস্থা গোজ্যে মুই মর্ সেই প্রভু মহারাজরে দরাং। তে তমা বয়স্যে অন্য গাবুজ্যেগুনোত্তুন্ কিত্তে তমারে কেঙেদা দেগিবো? ইয়েন্দোই রাজা তমাত্তে মঅ মাঢাবো কাবি ফেলেই পারে।”