দানিয়েল 1:8 - Chakma Bible

⁸ মাত্তর্ দানিয়েলে মনে মনে ঠিগ্ গুরিলো, তে রাজার হানা আর আংগুর-রস দিইনে নিজোরে অসিজি ন-গুরিবো। এবাবোত্যেগুরি যেনে নিজোরে অসিজি গরা ন-পড়ে সেনত্তে তে রাজার কামগুরিয়্যে আজল্লো ইধু অনুমতি চেলঅ।

দানিয়েল 1:8 Iomraidhean Croise

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

গীতসংহিতা 119:115

তুমি যিগুনে বজং কাম গরঅ, তুমি মত্তুন্ সুরিই যঅ, যেনে গোজেনর উগুমান্ মুই পালেই পারং।

গীতসংহিতা 141:4

মঅ মনানরে কনঅ ভান্ন্যেই জিনিজোন্দি ঠিলি ন-দিচ্, যেনে অন্যেয়গুরিয়্যেগুনো সমারে ভান্ন্যেই কামত্ ন-মিজেং; তারার গম্ গম্ হানানি যেন মুই ন-হাং।

গম্ উপদেজ্ 23:3

তার্ মংগা মংগা হানাগানিত্ লুভ্ ন-গুরিচ্, কিত্তে সে হানাগানি দেনার্ পিজেদি আগেদে শাজন্ গুরিয়্যেবোর্ কনঅ উদ্দেশ্য।

দানিয়েল 1:5

রাজা তা হানাত্তুন্ তারারে পত্তিদিনোর্ যগাজ্যে হানা অার আংগুর-রস দিবার উগুম দিলো। এবাবোত্যেগুরি তারারে তিন বজর্ শিক্ষ্যে দেনার পরেদি তারা রাজার্ কামত্ লাগিবাক্।

দানিয়েল 5:4

তারা আংগুর-রস খাদে খাদে সনা, রূবো, পিদোল্, লুয়ো, তক্তা আর পাত্তর্‌‌‌‌‌‌লোই বানেয়্যে দেব-দেবেদাগুনোরে বাঈনী গরা ধুরিলাক্।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

১ করিন্হীয় 7:37

মাত্তর্ যে মান্‌জ্যর মনান্ থির্, যিবে উগুরে কনঅ চাপ নেই বিলি তে নিজোর্ আওজ্ মজিম কাম্ গুরি পারে, তে যুনি তা ঝিবোরে বৌ ন-দিয়্যে গুরি রাগেব বিলি ঠিগ্ গুরি থায় সালে তে গম্ কাম গরে।

২ করিন্হীয় 9:7

পত্তিজনে মনে মনে যিয়েন থিক্ গুরি থোইয়্যে তে যেন্‌ সিয়েন দে। কেঅ যেন মনত্ দুঘে ন-দে, কিয়া যে হুজি মনে দে গোজেনে তারে কোচ্‌পায়।

দ্বি’লম্বর বিররণ 32:38

কুদু সেই দেব-দেবেদাগুন যিগুনে তারার ডালি দিয়্যে য়েমানর তেলানি হেইয়োন, হেইয়োন তারার ঢালন-উৎসর্বর আংগুর-রস? ইক্কিনে তারা এইনে তমারে সাহায্য গুরিবাক, আর তমারে আশ্রয় দিবাক্‌।