দানিয়েল 1:7 - Chakma Bible

⁷ সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 1:7 Iomraidhean Croise

পত্থম 41:45

ফরৌণে যোষেফর নূয়ো নাঙান দিলো সাফনৎ-পানেহ। ওন্‌ শঅর ধর্মগুরু পোটীফর ঝি আসনতর লগে তে যোষেফর জড়া বানি দিলো। সে পরেদি যোষেফে গোদা মিসর্‌ দেজ্‌ছান্‌ ঘুরি এবাত্তে নিগিলিলো।

২ রাজাবলী 23:34

তে যোশিয়োর আর এক্কো পুয়ো ইলিয়াকীমরে তা বাপ্পো যোশিয়োর জাগানত্‌ রাজা বানেল আর ইলিয়াকীমোর নাঙান্‌ বুদুলিনে যিহোয়াকীম রাগেল। ফরৌণ-নখো যিহোয়াহসরে মিসরত্‌ নেযেল, আর সিদু যিহোয়াহসে মুরি গেলঅ।

২ রাজাবলী 24:17

তে যিহোয়াখীনোর জাগানত্‌ তা কুদ্‌‌তোবোয়ো মত্তনিয়রে রাজা বানেল আর তা নাঙান বদলে সিদিকিয় রাগেল।

দানিয়েল 1:19

রাজা তারা লগে কধা কোইনে বুঝিলোদে, আর কনজন দানিয়েল, হনানিয়, মীশায়েল আর অসরিয়র্ সং সং নয়; সেনত্তে এ চেরজনরে রাজা কামত্ নেযা অলঅ।

দানিয়েল 1:3

পরেদি রাজা তার্ আজল্ রাজার্ কামগুরিয়্যে অসপনসরে উগুম দিলো যেনে তে ইস্রায়েলীয় রাজাপরিবার আর মানী গোর্‌বোগুনো ভিদিরেত্তুন্ কয়েক্কো গাবুজ্যেরে আনে।

দানিয়েল 10:1

পারস্যের রাজা কোরসর রাজাগিরির তিন বজরত্ যিবেরে বেল্টশৎসর নাঙ্ দিয়্যে ওইয়্যে সেই দানিয়েল ইধু এক্কান বিষয় ফগদাং অলঅ। বিষয়ান সত্য আর সিয়েন এক দাঙর্ দুঘো পৌইদ্যেনে। এক্কান দর্শনর মাধ্যমে সেই বিষয়ান তারে বুঝা অলঅ।

দানিয়েল 2:26

দানিয়েল, যিবেরে বেল্টশৎসর নাঙে ডাগা অদঅ তারে রাজা পুযোর্ গুরিলো, “তুই কি মর্ স্ববনান্ আর সিয়েনর ভেদ্‌তান্ মরে কোই দি পারিবে?”

দানিয়েল 2:49

ইয়েনিবাদেয়ো দানিয়েলর্ কোজোলীয়ে শদ্রক, মৈশক আর অবেদ্-নগোরে রাজা বাবিল রেজ্যর্ রাজার চাগর্ ইজেবে নেযেল। দানিয়েলে নিজে রাজদরবারত্ রলঅ।

দানিয়েল 4:5

মুই যেক্কে বিচ্চোনত্ পোজ্যে এলুং সেক্কে এক্কান স্ববন্ দেগিনে দোরেলুং; সে স্ববনত্ মুই যিয়েনি যিয়েনি দেগিলুং সিয়েনি মঅ মনত্ দর্‌‌‌‌‌‌‌বুক্ সোমেল।

দানিয়েল 4:8

যেরেদি দানিয়েলে মঅ মুজুঙোত্ এজানার পরেদি মুই তারে স্ববনান্ কলুং। মঅ দেবেদাবোর নাঙানি অনুসারে তারে বেল্টশৎসর নাঙ্ দিয়্যে অলঅ। তা ভিদিরে সুদ্ধো-সাংগ এমন কিজু আঘে যিয়েনি এ পিত্‌‌থিমীর নয়।

দানিয়েল 5:12

তে দানিয়েল নাঙে এ মানুচ্চোরে বেল্টশৎসর বিলি ডাগিদো। তা ভিদিরে অমকদ গুণ, জ্ঞান, বুদ্ধি, স্ববনর্ ভেদ্‌তানি কোই দিবার খেমতা, গুমুরো কধানি ভাঙি দেনা আর আঘাত্যে ভেজালানি জোব্ দিবার খেমতা দেগা যেইয়্যে। তুই দানিয়েলরে ডাগিনেই আন্; এ লেগাগানর ভেদ্‌তান্ তেয়ই তরে কোই দিবো।”