দানিয়েল 1:4 - Chakma Bible

⁴ সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

দানিয়েল 1:4 Iomraidhean Croise

পত্থম 41:46

যোষেফে যেক্কে মিসর রাজা ফরৌণ কামত্‌ মিজেল সেক্কে তা বয়জ্‌ এলদে ত্রিশ বজর। তে ফরৌণ রাজ তেম্মাঙত্তুন্‌ নিগিলিনে মিসর দেজ বেক্‌ জাগানি ঘুরি এলগোই।

২ শমূয়েল 14:25

পুরো ইস্রায়েল দেজত্‌ অবশালোম ধোক্ক্যেন্‌ এদক দোল্‌ আর কনজন ন-এলাক্। দোল্‌ চেঙেরাত্তে তে বেক্কুনোত্তুন্‌ বেশ্‌ বাইনী পেদঅ। তা মাঢাবোর্‌ তাল্লোত্তুন্‌ ধুরি টেঙ পাদা সং কনজাগাত্‌ দাগ্‌-দুগ্ ন-এলঅ।

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

উপদেশক 7:19

দশজন শাজন্‌গুরিয়্যে শঅরানরে যেত্তমান্ দরমর গুরিবাক্ জ্ঞানানে এক্কো জ্ঞানী মান্‌জ্যরে তাত্তুনো বেশ্ দরমর গরে।

যিশাইয় 36:11

সেক্কে ইলিয়াকীম, শিব্‌ন আর যোয়াহ রব্‌শাকিরে কোইয়্যেদে, “তঅ চাগর্‌‌বো ইদু তুই দোয়্যে গুরিনে অরামীয় ভাষায় কধা কঅ, কিত্তে আমি সিয়েনি বুঝিই। দেবাল উগুরে মানুচ্চুনো মুজুঙোত্ তুই আমা ইদু ইব্রীয় ভাষালোই কধা ন-কবে।”

যিরমিয় 5:15

লগেপ্রভু কোইয়্যেদে, “ও ইস্রায়েলীয়গুন, মুই তমা বিরুদ্ধে দূরত্তুন এক্কো জাদরে আনিম্। সিবে এক্কো পুরোণি আর টিগি থেইয়্যে জাদ্; সে মানুচ্চুনোর ভাষা তুমি হবর্ ন-পেবা আর তারা কধানি তুমি ন-বুঝিবে।

দানিয়েল 2:10

সল্লাদিয়্যেগুনে জোবত্ রাজারে কলাক্, “মহারাজ আমা ইধু যিয়েন জানিবাত্তে চাজ্ সিয়েন জানেই পারে এবাবোত্যে কনঅ মানুচ্ এ পিত্‌থিমীত্ নেই। কনঅ দাঙর্ রাজা কনদিন্‌অ এবাবোত্যে বেপারে কনঅ জাদুগুরিয়্যে বা ভূদো ওঝা বা সল্লাদিয়্যে ইধু জানিবাত্তে ন-চান্।

দানিয়েল 2:2

তা স্ববনান্ বুঝেই দিবাত্তে তে যাদুগুরিয়্যে, ভূদো ওঝা, গোণেয়্যে আর জ্যেতিষীগুনোরে ডাগিলো। তারা এইনে রাজার্ মুজুঙোত্ থিয়্যেলাক্।

দানিয়েল 3:8

এ সময়োত্ কয়েক্কো সল্লাদিয়্যে উজেই যেইনে যিহূদীগুনোরে দুষী বানেলাক্।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

দানিয়েল 9:1

মাদীয় অহশ্বেরশের পুয়ো দারিয়াবসরে বাবিল রেজ্যর্ রাজা গরা ওইয়্যে। তার্ রাজাগিরির্ পত্তম বজরত্ মুই দানিয়েল ভাববাদী যিরমিয়রে দিয়্যে লগেপ্রভুর কধা মজিম্ বোইবোত্তুন্ বুঝি পারিলুং যে, যিরূশালেমান সত্তুর্ বজর ভস্ত ওইনে পড়ি থেবঅ।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

প্রেরিত্‌ 7:20

সে অক্তত্ মোশির জর্ম অলঅ। তারে দেগদে অমকদ দোল্ এলঅ। তিন মাস সং তে তা বাব ঘরত্ আদরে থেলঅ।

প্রেরিত্‌ 7:22

মোশি মিসরীয়গুনোর বেক্‌ শিক্ষ্যেলোই শিক্ষিত অলঅ, আর তে কধালোই আর কামে খেমতাবলা এলঅ।

বিচের গুরিয়্যেগুন 8:18

সে পরেন্দি তে সেবহ আর সল্‌মুন্নরে পুজোর গুরিলো, “তাবোরত্‌ কি বাবোত্যা মানুচ্‌ তঅ আঢত্‌ মোজ্যন্‌।” তারা জোব্‌ দিলাক্‌, “তঅ ধোক্কেন্‌ মানুচ্, বেক্কুন্‌ রাজার পূঅ ধোক্কেন্‌।”