দানিয়েল 1:2 - Chakma Bible

² প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 1:2 Iomraidhean Croise

পত্থম 10:10

শিনিয়র দেজর বাবিল, এরক, অক্কদ আর কল্‌নী নাঙে জাগায়ানি লোইনে তে রাজাগিরি গরানা আরাম্ভ গুরিলো।

পত্থম 11:2

পরেদি তারা পুগেদি উজেই যাদে যাদে শিনিয়র দেজত্‌ এক্কান্‌ সংজাগা পেইনে সিয়েনত্ বজত্তি গরা ধুরিলাক্।

২ রাজাবলী 24:1

যিহোয়াকীমোর রাজাগিরির সময়োত্‌ বাবিলো রাজা নবূখদ্‌নিৎসর যিহূদা দেজ্‌ছান্‌ আক্রমণ গুরিলো। যিহোয়াকীমে তিন বজর সং তা অধীনোত্‌ এলঅ। মাত্তর্‌ পরেন্দি তে নবূখদ্‌নিৎসরর বিরুদ্ধে উল্লোমি গুরিলো।

২ বংশধর 36:5

যিহোয়াকীমে পোজোশ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে। তা গোজেনে লগেপ্রভুর চোগেদি যিয়েনি ভান্ন্যেই তে সিয়েনি গুরিদো।

২ বংশধর 36:7

নবুখদ্‌নিৎসরে লগেপ্রভুর ঘরত্তুন্‌ পযাপিরানিয়ো বাবিলোত্‌ নেযেইনে তার্‌ মন্দিরোত্‌ রাগেল।

ইষ্রা 1:7

ইয়েনিবাদে নবূখদ্‌‌‌নিৎসরে লগেপ্রভুর ঘরর্ যেদক্কানি জিনিস যিরূশালেমত্তুন্ নেযেইনে তার্ দেবেদাবোর্ মন্দিরোত্ থোইয়্যে রাজা কোরসে সিয়েনি ধনভান্ডালর্ রোক্ষ্যেগুরিয়্যে মিত্রদাতরে দিইনে নিগিলেই আনিলো। মিত্রদাৎ এ সিয়েনি যিহূদার শাজন্‌‌‌গুরিয়্যে শেশ্‌‌‌বসর ইদু গুণি দিলো।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

যিরমিয় 25:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্, অত্তাৎ বাবিলোর রাজা ‌‌‍‌নবূখদ্‌নিৎসরর ‌‌রাজাগিরির পত্তম বজরত্ যিহূদার বেক্ মানুচ্চুনো পৌইদ্যেনে গোজেনর কধা যিরমিয় ইধু ফগদাং অলঅ।‍‌

যিরমিয় 27:16

সেক্কে মুই ধর্মগুরুগুনোরে আর বেক মানুচ্চুনোরে কলুং, লগেপ্রভু কোইয়্যেদে, “যে ভাববাদীগুনে তমারে কন্, খুব যাদিমাদি লগেপ্রভুর ঘরর্ জিনিস্‌‌‌চানি বাবিলত্তুন ফিরেই আনা অবঅ; তারার কধানি তুমি ন-শুন্ন্য। তারা তমা ইধু মিজে আগাম্ কধা কদন্।

যিরমিয় 28:3

বাবিল রাজা নবূখদ্‌নিৎসরে লগেপ্রভুর ঘরর্ যেদক্কানি পযাপিরা ইয়োত্তুন বাবিলোত্ সোরেই নেযা ওইয়্যে সিয়েনি মুই দ্বি বজর্ ভিদিরে ইধু ফিরেই আনিম।

যিরমিয় 35:11

মাত্তর্ যেক্কে বাবিলর রাজা নবূখদ্‌নিৎসরে এ দেজ্‌চান আক্রমন গুরিলো সেক্কে আমি কলং, ‘বাবিলীয় আর অরামীয় সৈন্যগুনোত্তুন ধেই যঅ, আমি যিরূশালেমত্ যেই।’ সেনত্তে আমি যিরূশালেমত্ রোইয়্যেই।”‌

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

দানিয়েল 5:13

সেক্কে দানিয়েলরে রাজা ইধু আনা অলঅ, আর রাজা তারে কলঅ, “তুই কি সেই দানিয়েল যিবেরে মঅ আজু যিহূদা দেজত্তুন্ বন্দী গুরি আন্যে?

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

হবক্‌‌‌‌কূক 1:16

সেনত্তে তারা তারার্ জালানর্ নাঙে য়েমান্ উৎসর্ব গরন্ আর টানা-জালর্ নাঙে আগর্‌বাট্টি জ্বালান্, কিত্যে তারার জালানিলোই তারা বোউত্ লাভ গরন্ আর গম্ গম্ হানা হান্।

সখরিয় 5:11

জোবত্ তে কলঅ, “তারা সিবে শিনিয়র দেজত্ নেযাদন্। সিয়েনত্ সেই মিলেবোত্তে এক্কান্ ঘর বানা অবঅ। ঘর বানা অলে পরেদি তারে তা জাগানত্ বজা অবঅ।”

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 3:8

সেনত্তেই ইস্রায়েল উগুরে লগেপ্রভুর রাগ্‌কান জুলি উদিলো আর তে অরাম-নহরয়িমর রাজা কূশন-রিশিয়াথয়িমর আঢত্‌ তারারে তুলি দিলো। তারা আস্‌টো বছর সং তার্‌ অধীনোত্‌ তলে এলাক্‌।

বিচের গুরিয়্যেগুন 4:2

সেনত্তেই লগেপ্রভু যাবীন নাঙে এক্কো কনানীয় রাজার আঢত্‌ তারারে তুলি দিলো। যাবীনে হাৎসোরত্‌ থেইনে রাজাগিরি গুরিদো। তা সেনাপতিবোর নাঙান্‌ অলঅ‌ সীষরা। তে হরোশৎ-হগোয়িম নাঙে এক্কান্‌ জাগাত্‌ থেদঅ‌।

১ শমূয়েল 5:2

গোজেনর সুন্দুক্কো তারা দাগোন দেবেদাবোর মন্দিরোত্‌ নেযেইনে দাগোনর মূত্তিবোর্ ইদু রাগেলাক্।