দানিয়েল 1:19 - Chakma Bible

¹⁹ রাজা তারা লগে কধা কোইনে বুঝিলোদে, আর কনজন দানিয়েল, হনানিয়, মীশায়েল আর অসরিয়র্ সং সং নয়; সেনত্তে এ চেরজনরে রাজা কামত্ নেযা অলঅ।

দানিয়েল 1:19 Iomraidhean Croise

পত্থম 41:46

যোষেফে যেক্কে মিসর রাজা ফরৌণ কামত্‌ মিজেল সেক্কে তা বয়জ্‌ এলদে ত্রিশ বজর। তে ফরৌণ রাজ তেম্মাঙত্তুন্‌ নিগিলিনে মিসর দেজ বেক্‌ জাগানি ঘুরি এলগোই।

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

দানিয়েল 1:18

রাজা মুজুঙোত্ সেই গাবুজ্যেগুনোরে নেযেবাত্তে রাজা যে সময়ান ঠিগ্ গুরি দিয়্যে সে সময়ান শেজত্ সেই আজল্ রাজার চাগর্‌বো তারারে নবূখদ্‌নিৎসর মুজুঙোত্ নেযেল।

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

দানিয়েল 1:5

রাজা তা হানাত্তুন্ তারারে পত্তিদিনোর্ যগাজ্যে হানা অার আংগুর-রস দিবার উগুম দিলো। এবাবোত্যেগুরি তারারে তিন বজর্ শিক্ষ্যে দেনার পরেদি তারা রাজার্ কামত্ লাগিবাক্।

দানিয়েল 1:6

ইগুনো ভিদিরে এলদে যিহূদা-গুট্টির্ দানিয়েল, হনানিয়, মীশায়েল আর অসরিয়।

দানিয়েল 1:7

সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 2:13

সেনত্তে রাজার সল্লাদিয়্যেগুনোরে মারে ফেলেবার উগুম জারি গরা অলঅ। সেক্কে দানিয়েল আর তা সমাজ্যেগুনোরে মারে ফেলেবাত্তে তারারে তোগেবাত্তে মানুচ্ পাদা অলঅ।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”