দানিয়েল 1:17 - Chakma Bible

¹⁷ এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 1:17 Iomraidhean Croise

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

২ বংশধর 1:10

মরে জ্ঞান আর বুদ্ধি দে যেনে মুই মর্‌ কামানি পালেই পারং, কিত্তে কার সাধ্য আঘে তর্‌ এ দাঙর্‌ জাদ্‌তোরে শাজন্ গুরি পারন্‌?”

২ বংশধর 1:12

সেনত্তে তরে জ্ঞান আর বুদ্ধি দিয়্যে অলঅ‌। ইয়েনি বাদেয়ো মুই তরে এমন্‌ ধন, সম্পদ আর সর্মান দিম্‌ যিয়েনি তঅ‌ আগেন্দি কনঅ‌ রাজার ন-এলঅ আর তঅ পরেন্দিয়ো ন-থেবঅ।”

২ বংশধর 26:5

সখরিয় অক্তত্‌ তে গোজেনর আওজ্ মজিম্‌ চলিদো। গোজেনরে দোরেবাত্তে সখরিয় তারে শল্লা দিদো। যেদকদিন তে লগেপ্রভুর আওজ্ মজিম্‌ চলিদো সেদকদিন গোজেনেয়ো তারে সফলতা দান গোজ্যে।

ইয়োব 32:8

সত্যি মান্‌জ্য ভিদিরে আত্মা আঘে, আর বেগত্তুন্ খেমতাবলা গোজেনর নিজেসে তারে বুঝিবার বল্ দিয়্যে।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

যিশাইয় 28:26

তা গোজেনে তারে উগুম দে আর তারে ঠিগ পথ্‌তান্ শিক্ষ্যে দে।

যিহিষ্কেল 28:3

তুই দঅ দানিয়েলত্তুন্‌অ বেশ্ জ্ঞানী; বেক্ গুমুরো বিষয়ানি তর্ জানা আঘে।

দানিয়েল 1:18

রাজা মুজুঙোত্ সেই গাবুজ্যেগুনোরে নেযেবাত্তে রাজা যে সময়ান ঠিগ্ গুরি দিয়্যে সে সময়ান শেজত্ সেই আজল্ রাজার চাগর্‌বো তারারে নবূখদ্‌নিৎসর মুজুঙোত্ নেযেল।

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

দানিয়েল 10:1

পারস্যের রাজা কোরসর রাজাগিরির তিন বজরত্ যিবেরে বেল্টশৎসর নাঙ্ দিয়্যে ওইয়্যে সেই দানিয়েল ইধু এক্কান বিষয় ফগদাং অলঅ। বিষয়ান সত্য আর সিয়েন এক দাঙর্ দুঘো পৌইদ্যেনে। এক্কান দর্শনর মাধ্যমে সেই বিষয়ান তারে বুঝা অলঅ।

দানিয়েল 2:19

রেদোত্ এক্কান দর্শনর্ মাধ্যমে সেই হবর্ ন-পেইয়্যে বেপারান্ দানিয়েল ইধু ফগদাং অলঅ। সেক্কে দানিয়েলে স্বর্গর গোজেনরে ভালেদি জানেল।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 2:23

ও মর্ পূরোণি মানুচ্চুনোর গোজেন, মুই তরে ভালেদি জানাং, তরে বাঈনী গরং, কিত্যে তুই মরে জ্ঞান আর খেমতা দুয়োচ্; আমি তইদু যিয়েনি জানিবাত্তে চেইয়্যেই সিয়েনি তুই মরে জানেয়োচ্; রাজার স্ববন বিষয়ে তুই আমারে জানেয়োচ্।”

দানিয়েল 2:30

অন্য মানুচ্চুনোত্তুন্ মর্ বেশ্ জ্ঞান আঘে বিলি যে মইদু এ হবর্ ন-পেইয়্যে বিষয়ান ফগদাং ওইয়্যে সিয়েন নয়, মাত্তর্ ও মহারাজ, মরে ইয়েন কুয়ো ওইয়্যে যেনে তুই ইয়েনর অত্তগান হবর্ পাজ্ আর তঅ মনর্ চিন্তেগান বুঝি পারজ্।

দানিয়েল 4:6

সেনত্তে মঅ স্ববনর্ ভেদ্‌তান্ ভাঙি দিবাত্তে মুই বাবিলোর বেক্ রাজ-সল্লা দিয়্যেগুনোরে মঅ মুজুঙোত্ আনিবাত্তে উগুম দিলুং।

দানিয়েল 5:14

মুই শুন্যং তঅ ভিদিরে এমন কিজু আঘে যিয়েনি এ পিত্‌‌থিমীর নয়, আর তঅ ভিদিরে বুঝিবার খেমতা, বুদ্ধি আর বিশেষ জ্ঞান আঘে।

দানিয়েল 7:1

বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

দানিয়েল 8:1

রাজা বেল্‌‌‌‌‌‌‌‌‌‌‌‌শৎসরর রাজাগিরির তিন বজরত্ মুই দানিয়েল আর এক্কান দর্শন পেলুং।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

প্রেরিত্‌ 7:22

মোশি মিসরীয়গুনোর বেক্‌ শিক্ষ্যেলোই শিক্ষিত অলঅ, আর তে কধালোই আর কামে খেমতাবলা এলঅ।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।