কলসীয় 4:7 - Chakma Bible

⁷ আমা কোচ্‌পেইয়্যে ভেই আর বিশ্বেজি সেবাগুরিয়্যে আহ্ প্রভুর কামত্ আমার সমাজ্যে তুখিকে মর্ বেক্‌ হবরানি তমারে দিবো।

কলসীয় 4:7 Iomraidhean Croise

প্রেরিত্‌ 20:4

বিরয়াত্তুন্ পুর্হর পুয়ো সোপাত্র, থিষলনীকীত্তুন্ আরিষ্টার্খ আর সিকুন্দ, দর্বীত্তুন্ গাইয়, তীমথিয় আর এশিয়াত্তুন্ তুখিক আর ত্রফিমোত্ পৌল সমারে গেলাক্।

ফিলিপীয় 2:25

মুই ইপাফ্রদীতরে তমা ইধু পাধানা দরকার্ মনে গুরিলুং। তে মর্ বিশ্বেজি ভেই। আমি এক সমারে কাম গুরিই আর খ্রীষ্টত্যে যুদ্ধো গুরিই। সেবাগুরিয়্যে ইজেবে মর্ দর্‌কার কাদেবাত্যে তারে তুমি মঅ ইধু পাধেইয়ো।

কলসীয় 1:7

সেই গম হবরানর্ কধা তুমি আমার কোচ্‌পেইয়্যে সমাজ্জ্যে ইপাফ্রাত্তুন্ শুন্ন্য। তে তমা পক্ষত্তুন্ খ্রীষ্টর এক্কো বিশ্বেজি সেবাগুরিয়্যে।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

কলসীয় 4:9

তুখিক সমারে মুই আমার বিশ্বেজি আর পরাণর্ ভেই ওনীষিমরেয়ো পাধেলুং। তে তমার একজন। তারা ইধুগোর্ বেক্কানি তমারে জানেবাক্।

২ তীমথিয় 4:12

মুই তুখিকরে ইফিষোত্ পাধেয়োং।

তীত 3:12

মুই আর্তিমা বা তুখিকরে তঅ ইধু দি-পাধেলে তুই নীকপলিত্ মঅ ইধু এবাত্যে বিশেষ গুরিনে চেষ্টা গুরিচ্, কিয়া মুই নীকপলিত্ যার্‌কাল্লো কাদেম্ বিলিনে ঠিগ্ গোজ্জ্যং।