কলসীয় 4:6 - Chakma Bible

⁶ তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

কলসীয় 4:6 Iomraidhean Croise

১ বংশধর 16:24

নানান্‌ জাদ ভিদিরে তার্‌ মহিমাগান্ ফগদাঙ্‌ গরঅ; বেক্‌ মানুচ্চুনো ইদু তার্‌ বেক্‌ আমক্‌ অইদে কামর্ কধানি ফগদাঙ্‌ গরঅ।

গীতসংহিতা 105:2

তা নাঙে গীদ্ গঅ, তার নাঙ্ গিনেদে গীদ্ গঅ; তার বেক্ আমক্ অবার কামর্ কধানি কঅ।

গীতসংহিতা 119:13

তঅ মুয়োত্তুন্ যেদক্কানি সুদোম্ নিগিল্যে মর্ মুয়োনে সিয়েনি ফগদাং গুরিবো।

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

গীতসংহিতা 66:16

তুমি যিগুনে গোজেনরে ভোক্তি গরঅ তুমি বেক্কুনে এইনে শুনো; তে মত্তে যিয়েনি গোজ্যে সিয়েনি মুই তমারে কঙর্।

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

গম্ উপদেজ্ 15:4

যে কধাগানে মান্‌জ্য জিংকানিত্ ভালেদি আনে সিয়েন জিংকানি-গাজ ধোক্ক্যেন্, মাত্তর্ ছলনা কধাগানিয়ে মান্‌জ্যর মনানি ভাঙি দে।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

উপদেশক 10:12

জ্ঞানী মান্‌জ্যর মুয়োর্ কধাত্ দোয়্যে থায়, মাত্তর্ ভুলো তা মুয়োর্ কধালোই নিজোরে ভস্ত গরে।

লেবীয় 2:13

শোজ্য-উৎসর্বত্তে যেদক্কানি জিনিস্ আনা অবঅ সিয়েনি ভিদিরে নুন দিয়্যে পুরিবো। ইস্রায়েলীয়গুনোর্‌ গোজেন তারাত্তে যে বেবস্থা থিদেবর্ গোজ্যে সিয়েনত্তেই শোজ্য-উৎসর্বত্তুন্‌ নুনান্‌ বাদ দেনা ন-চুলিবো; তারার্‌ বেক্‌ উৎসর্বয়ানি ভিদিরে নুনান্‌ দিয়্যে পুরিবো।

মথি লেখ্যে গম্ হবর্ 5:13

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।

মার্ক 9:50

“নুন্ গম জিনিস, মাত্তর্ যুনি নুনোর্ সুয়োত্তান্ বর্‌‌বাদ্ ওই যায় সালে কেধোক্ক্যেন্‌‌‍ গুরিনে আরঅ নুন্‌‌‍যো গরা যেবঅ? তমা মন ভিদিরে নুন্ থঅ আর তুমি একজন আরেক্‌‌‍জন লগে সুগে-শান্দিয়্যে থাগঅ।”

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

দ্বি’লম্বর বিররণ 11:19

তমা ঝি-পূঅগুনোরে সিয়েনি শিগেবা। ঘরত্‌ বোই থেবার অক্তত্‌, পদেন্দি আদিবার্‌ অক্তত্‌, ঘুম্‌ যেবার অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি ইয়ানি পৌইদ্যেনে কধাবাত্তা কবা।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।