কলসীয় 4:12 - Chakma Bible

¹² ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

কলসীয় 4:12 Iomraidhean Croise

মথি লেখ্যে গম্ হবর্ 5:48

ইয়েনত্তে কং, তমা স্বর্গর্ বাপ্পো যেবাবোত্যে খাটি তুমিয়ো সেবাবোত্যে খাটি অ।

লূকে লেখ্যে গম্ হবর্ 1:1

কোচ্‌পেইয়্যে থিয়ফিল, আমা ভিদিরে যেদক্কানি ঘটনা ঘোট্যে সিয়েনি যিগুনে পৌইল্যাত্তুন্ ধুরি নিজো চোগেদি দেখ্যন্ আর গোজেনর গম্ হবর্ ফগদাং গোজ্যন্, তারা আমা ইধু বেক্কানি জানেয়োন্, আর তারা কধামজিম্ ভালোক্কুনে সিয়েনি পৌইদ্যেনে পর্‌পর্ লেখ্যন্।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

রোমীয় 15:14

মঅ ভেইয়ুন, মুই তমা পৌইদ্যেনে এ কধাগান্ বিশ্বেজ্ গরঙর্ যে, তমা মনানি ভালেদির্-আয়োজে ভরা, তমার্ নানান্ বাবোত্যে জ্ঞান্ আঘে, আর তুমি একজন আরেকজনরে উপদেচ্‌ দি পারঅ।

রোমীয় 15:30

ভেইলগ্, আমা প্রভু যীশু খ্রীষ্টর্ মাধ্যমে আর পবিত্র আত্মার্ দিয়্যে কোচ্‌পানার্ মাধ্যমে মুই তমারে বিশেষ্ গুরিনে কোজোলী গরঙর্, তুমি গোজেন ইধু মত্তে মঅ সমারে তবনার্ যুদ্ধো চালেই থাগঅ।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

১ করিন্হীয় 2:6

যিগুনে খ্রীষ্টীয় জিংকানিত্ পাগানা তারা ইধু অবুচ্চোই আমি জ্ঞানর্ কধা কোই; মাত্তর্ সেই জ্ঞানান্ এ জগদর্ নয়, বা এ জগদর্ নেতাগুনোর্‌অ নয় যিগুনে খেমতা-নেইয়্যে ওইয়োন্ ।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

কলসীয় 1:22

মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

কলসীয় 1:7

সেই গম হবরানর্ কধা তুমি আমার কোচ্‌পেইয়্যে সমাজ্জ্যে ইপাফ্রাত্তুন্ শুন্ন্য। তে তমা পক্ষত্তুন্ খ্রীষ্টর এক্কো বিশ্বেজি সেবাগুরিয়্যে।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

কলসীয় 4:9

তুখিক সমারে মুই আমার বিশ্বেজি আর পরাণর্ ভেই ওনীষিমরেয়ো পাধেলুং। তে তমার একজন। তারা ইধুগোর্ বেক্কানি তমারে জানেবাক্।

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

ফিলীমন 1:23

ইপাফ্রা তরে ভালেদি জানার্; তে খ্রীষ্ট যীশুত্যে মঅ সমারে বন্দী আঘে।

ইব্রীয় 5:14

যিগুনোর্ বয়চ্ ওইয়্যে বানা সিগুনে দরঅ হানা হেই পারন্, অত্তাৎ গোজেন কধানির্ আঘাত্যে শিক্ষ্যেনি বুঝি পারন্। বোউত্ অভ্যেজর্ কারনে তারা গম্-ভান্ন্যেই বিচের গুরিবাত্যে শিক্ক্যন্।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

যাকোব 1:4

সেই ধৈয্যগুণানরে তমা জিংকানিত্ পুরোপুরি গুরিনে কাম গুরিবাত্যে দুয়ো, যেনে তুমি পাগানা আর থুদো নেইয়্যে ওইনে উদি পারঅ, অত্তাৎ তমা খাচ্চ্যদ ভিদিরে যেন কনঅ বাবোত্যে অভাব ন-থায়।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।