কলসীয় 2:5 - Chakma Bible

⁵ মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

কলসীয় 2:5 Iomraidhean Croise

২ বংশধর 29:35

উদোলোলি-উৎসর্বর তেল্‌ পূজ্যে পরব্‌পান আর পূজ্যে-উৎসর্বর পরব্‌পান আর সিয়েন লগে ঢাল্যে-উৎসর্বর পরব্‌পানিলোই ভালোক্কুন্‌ উৎসর্বর পরব্‌ গরা অলঅ। এধোক্ক্যেন গুরিনে লগেপ্রভুর ঘরর্‌ সেবা কামানি আরঅ আরাম্ভ গরা অলঅ।

গীতসংহিতা 78:37

তারার মনানি তা উগুরে থির্ ন-এলঅ; তার সুদোমানি উগুরে তারা বিশ্বেজি ন-এলাক্।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

গণাণা 7:11

লগেপ্রভু মোশিরে কোইয়েদে, “নিত্য এক একজন গুরিনে নেতাগুনে পূজোবোত্‌-উৎসর্বর নাঙে তারার্‌ বক্‌শিজ্‌ছানি আনিবাক।”

প্রেরিত্‌ 2:42

সেই মানুচ্চুনে দিপাধেয়্যেগুনোর শিক্ষ্যেনি শুনিদাক্, তারা সমারে এক ওইনে প্রভুর হানা লদাক্ আর তবনা গুরিনে সময় কাদেদাক্।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

১ করিন্হীয় 11:34

যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 14:40

বেক্কানি যেন যগাজ্জ্যেগুরিনে আর গুচ্চ্যেয়্যে গুরিনে গরা অয়।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।

১ থিষলনীকীয় 2:17

ভেইলগ্, মনত্তুন্ ন-অলেয়ো কিয়্যেন্দিত্তুন্ আমি খানক্‌কনত্যে তমাত্তুন্ দূরোত্ ওইয়্যেই। সেনত্যে আমি ভারী আওজ্ গুরিনে চেষ্টা গোজ্জ্যেদে যেনে আরঅ তমা লগে আমার্ দেগা অয়।

১ থিষলনীকীয় 3:8

প্রভু উগুরে তমার্ বিশ্বেজ্ থির্ থেলে আমার জিংকানিগান বর্‌পেইয়্যে।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

১ পিতর 5:9

বিশ্বেজে থির্ থেইনে শদানরে আক্‌সো, কিয়া তুমি দঅ হবর্ পঅ, গোদা পিত্‌থিমীত তমা বিশ্বেজি ভেইয়ুনে একই বাবোত্যে দুঘোত্ ভুগোদন্।

রূত 1:18

নয়মী যেক্কে বুঝি পারিলো, রুতে তা সমারে যেবাত্তে মনান্‌ ঠিগ্‌ গোজ্যে সেক্কে তে তারে আর কিচ্ছু ন-কলঅ।