কলসীয় 2:4 - Chakma Bible

⁴ মুই তমারে এ কধাগান্ কঙর্ যেনে কেঅ মন-ভুলেইয়্যে যুক্তি-তর্কলোই তমারে ভুল্ পধেদি নেযেই ন-পারন।

কলসীয় 2:4 Iomraidhean Croise

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 24:4

জোবত্ যীশু কলঅ, জাগি থাগঅ, কেঅ যেন তমারে ন-ঠগায়,

মার্ক 13:22

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

১ করিন্হীয় 2:4

মর্ প্রচার আর মর্ দিয়্যে হবর্ ভিদিরে মানুচ্চুনোরে ভাজেই নেযাইদ্যে ধোক্ক্যেন কনঅ জ্ঞানবলা যুক্তি-তর্ক ন-এলঅ বরং পবিত্র আত্মার্ খেমতা সিয়েনত্ দেগা যেইয়্যে,

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

কলসীয় 2:18

নিজো কিয়্যেগানরে দুঘ্ দেনা আর স্বর্গদূত্‌তুনোরে উবোসনা গরানা যিগুনে দরকারী বিলিনে মনে গরন্ সিগুনে যেন তমার বক্‌শিজ্ পেবার পধত্ মানা ন-গরন্। এবাবোত্যে মান্‌জ্যে যিয়েন দেক্ক্যন বিলিনে ভান্ গুরিনে সে পৌইদ্যেনে বোউত্ দাঙর্ দাঙর্ কধা কন্ আর এনেবাদে অহংকারে ফুলি উদোন্, কিয়া তারার্ মনানি পাপ-খাচ্চ্যদে ভরা।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

২ তীমথিয় 2:16

গোজেন উগুরে ভোক্তি-নেইয়্যে আর বাজে কধাবাত্তাত্তুন্ দূরোত্ থাগঅ, কিয়া এবাবোত্যে কধা বাত্তাত্যে মানুচ্চুনো মনত্ গোজেন উগুরে ভোক্তির্ মনভাব্‌পান কুমি যানাত্ থেবঅ।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

১ যোহন 2:26

যিগুনে তমারে ভান্ন্যেই পধেদি নেযেবার চেট্ট্যা গত্তন্ তারা পৌইদ্যেনে মুই তমা ইধু ইয়েনি বেক্কানি লিগিলুং।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।