কলসীয় 2:3 - Chakma Bible

³ খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।

কলসীয় 2:3 Iomraidhean Croise

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

ইয়োব 28:21

বেক্ পরাণবলাগুনোর চোগোত্তুন্ সিয়েন্ লুগেয়্যে আঘে, এন কি, আগাজ পেখ্‌কুনো ইত্তুন্‌অ সিয়েন গুমোরত্ আঘে।

গম্ উপদেজ্ 2:4

যুনি রূবো তগাইদ্যে ধোক্ক্যেন্ গুরি গম বুদ্ধিগানরে তগাচ্ আর লুগেয়্যে ধন ধোক্ক্যেন গুরি সিয়েন তোগেই চাহ্,

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

যিশাইয় 40:14

বুদ্ধি পেবাত্তে লগেপ্রভু কার সল্লা নেযেয়্যে, আর ঠিগ্ পথ্‌তান কন্না তারে দেগেই দিয়্যে?‌ কন্না তারে জ্ঞান শিক্ষ্যে দিয়্যে বা বিচের্ বুদ্ধির পথ দেগেয়্যে?

মথি লেখ্যে গম্ হবর্ 10:26

মাত্তর্ তুমি তারারে ন-দোরেয়ো, কিয়া লুগেয়্যে বেক্কানি ফগদাং অবঅ আর গুমোর্ বেক্কানি জানা অবঅ।

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।

১ করিন্হীয় 1:24

মাত্তর্ যিহূদী ওক্‌ আর গ্রীকই ওক্‌, গোজেনে যিগুনোরে ডাক্ক্যে তারা ইধু সেই খ্রীষ্টই গোজেনর্ খেমতা আর গোজেনর্ জ্ঞান।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

ইফিষীয় 1:8

এ দোয়্যেগান গোজেনে তার্ দাঙর্ জ্ঞান আর বুদ্ধিলোই খুলো আঢে আমারে দান গোজ্জ্যে।

কলসীয় 1:19

গোজেনে চেইয়্যেদে যেন তার্ বেক্‌ ভর্‍‌‌‌‍‌‍পুনোঙান্ খ্রীষ্ট ভিদিরে থায়।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।

২ পিতর 1:5

ইয়েনত্যে ভারী আওজি ওইনে তমা বিশ্বেজ সমারে গম খাচ্চ্যত্, গম খাচ্চ্যদ সমারে জ্ঞান,

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।