কলসীয় 2:2 - Chakma Bible

² মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

কলসীয় 2:2 Iomraidhean Croise

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

গীতসংহিতা 133:1

মঅ জাদ্ ভেইয়ুন যেক্কেনে এগা মনে একসমারে বজত্তি গরন্ সেক্কেনে সিয়েন কত্তমান্ গম্ আর কত্তমান দোল্ লাগে!

যিশাইয় 32:17

সততাগানর্ ফল অবঅ শান্তি, আর সিয়েনর্ কারনে জনমত্তে থিদেবর্ আর নিশ্চয়তাগান এবঅ।

যিশাইয় 40:1

তমা গোজেনে কোইয়্যেদে, “মঅ মানুচ্চুনোরে সান্ত্বনা দুয়ো, সান্ত্বনা দুয়ো।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

লূকে লেখ্যে গম্ হবর্ 1:1

কোচ্‌পেইয়্যে থিয়ফিল, আমা ভিদিরে যেদক্কানি ঘটনা ঘোট্যে সিয়েনি যিগুনে পৌইল্যাত্তুন্ ধুরি নিজো চোগেদি দেখ্যন্ আর গোজেনর গম্ হবর্ ফগদাং গোজ্যন্, তারা আমা ইধু বেক্কানি জানেয়োন্, আর তারা কধামজিম্ ভালোক্কুনে সিয়েনি পৌইদ্যেনে পর্‌পর্ লেখ্যন্।

যোহন 10:30

মুই আর বাবা এক্।”

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 5:17

সেক্কে তে সেই নেতাগুনোরে কলঅ, “ম বাপ্পো নিত্য কাম গরের্ আর মুইয়ো গরঙর্।”

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

যোহন 6:69

আমি বিশ্বেজ্ গোজ্যেই আর হবর্ পেইয়্যেই যে, তুয়ই গোজেনর্ সেই পবিত্র মানুচ্চো।”

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

১ করিন্হীয় 14:31

কিয়া তুমি বেক্কুনে এক এক গুরিনে ভাববাদী ইজেবে কধা কোই পারঅ যেন বেক্কুনে শিক্ষ্যে আর উচ্চোমি পান্।

১ করিন্হীয় 2:12

আমি জগদর্ আত্মাগানরে ন-পেই, বরং গোজেনত্তুন্ তার্ আত্মাগানরে পেইয়্যেই, যেন গোজেনে আমারে যেদক্কানি দান দিয়্যে সিয়েনি বুঝি পারিই;

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 3:16

মুই তবনা গরং যেন গোজেনর্ শেচ্‌-নেইয়্যে মহিমা অনুসারে তে তমারে এমন্‌ খেমতা দে যেনে পবিত্র আত্মার মাধ্যমে তমা মনানি খেমতাবলা অয়,

ইফিষীয় 3:3

তার্ গুমুরো উদ্দেচ্চ্যগান তে বিশেষ কধালোই মরে জানেয়্যে, আর এ বেপারান মুই তমা ইধু কম্ কধালোই লিগিলুং।

ইফিষীয় 6:22

আমা পৌইদ্যেনে যেন তুমি কোই পারঅ আর তে যেন তমারে উচ্চোমি দি পারে সেনত্যে মুই তারে তমা ইধু দিপাধেলুং।

ফিলিপীয় 2:1

সালে খ্রীষ্ট সমারে মিজেইনে যেক্কে উচ্চোমি পাহ্ যায়, খ্রীষ্টর্ কোচ্‌পানার কারনে যেক্কে সান্তনা পাহ্ যায়, পবিত্র আত্মা আর তমা ভিদিরে যেক্কে উদোলোলি আঘে, তমা মনত্ যেক্কে কোচ্‌পানা আর দোয়্যে-মেয়্যে আঘে,

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

কলসীয় 1:26

গোজেনর্ কধানি ভিদিরে যে গুমুরো সত্যগান পুরোণি মানুচ্চুনো ইধু যুগ যুগ ধুরি লুগেয়্যে এলঅ, ইক্কিনে তা মানুচ্চুনো ইধু সিয়েন ফগদাং ওইয়্যে।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

কলসীয় 3:14

আর ইয়েনি উগুরে কোচ্‌পানালোই নিজোরে সাজঅ। কোচ্‌‌পানাগানে সেই বেক্ গুণানিরে একলগে বানিনে পেলাং পেলাং গুরি দান গরে।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

কলসীয় 4:8

তুমি যেন আমা পৌইদ্যেনে জানি পারঅ আর তে যেন তমারে উচ্চোমি তুলি দি পারে সেনত্যে মুই তারে তমা ইধু পাধেলুং।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

১ যোহন 3:19

ইয়েন্দোই আমি কোই পারিবোং, আমি সত্যর্। সিয়েনবাদে কনঅ পৌইদ্যেনে যুনি আমা মনানে আমারে দুষি গরে সেক্কে গোজেন মুজুঙোত্ আমা মনানিরে বুঝেই পারিবোং। গোজেনে আমা মনানিত্তুন্ দাঙর্ আর তে বেক্কানি কোই পারে।

১ যোহন 5:7

পবিত্র আত্মা, পানি আর লো-এই তিনেনর্ মাধ্যমে সেই সাক্ষিগান এজের্ আর সেই তিনেনর্ সাক্ষি এক।