কলসীয় 2:11 - Chakma Bible

¹¹ ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

কলসীয় 2:11 Iomraidhean Croise

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

মার্ক 14:58

“আমি তারে কধে শুন্ন্যেই, ‘মান্‌জ্যর্ বানেয়্যে এই উবোসনা-ঘরান্ মুই ভাঙি ফেলেম্ আর তিন দিনো ভিদিরে এমন্ এক্কান উবোসনা-ঘর্ বানেম্ যিয়েন মান্‌‌জ্যর্ বানেয়্যে নয়।’ ”

লূকে লেখ্যে গম্ হবর্ 2:21

জর্মর্ আস্টো দিনোত্ যিহূদীগুনোর সুদোম্ মজিম্ যেক্কে চিগোন্ গুরোবোর্ সুন্নত গুরিবার্ অক্ত অলঅ সেক্কে তা নাঙান্ থুয়ো অলঅ যীশু। মা পেদত্ এবার্ আগেদি স্বর্গদূত্তো তার্ এ নাঙান্ দিয়্যে।

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

প্রেরিত্‌ 7:48

মাত্তর্ দাঙর্ গোজেনে মান্‌জ্যর্ বানেয়্যে ঘরত্ ন-থায়। ভাববাদীবো কোইয়্যেদে যে,

রোমীয় 2:29

মাত্তর্ মনেদি যে যিহূদী তেয়ই আজল্ যিহূদী। আজল্ চুনু মাঢাবো চামান কাবানার্ কামান্ মন ভিদিরে অয়। ইয়েন পবিত্র আত্মার্ কাম্, লেক্ক্যে আইন মানিবার্ কাম্ নয়। এ বাবোত্যে মানুচ্‌ মান্‌জ্যর্ বাঈনী ন-পায় ঠিগ্, মাত্তর্ গোজেনত্তুন্ বাঈনী পায়।

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

রোমীয় 7:24

কি পড়া-কবাল্ল্যে মানুচ্‌ মুই! মঅ ভিদিরে এই যে পাপ-খাচ্চ্যত্ যিয়েনে মরণ আনে, সিয়েন আঢত্তুন্ কন্না মরে রোক্ষ্যে গুরিবো?

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

দ্বি’লম্বর বিররণ 10:16

সেনত্যে তুমি তমার্‌ মনানরে তনা গরঅ; একগেঁয়েমি ওইনে আর ন-থেইয়ো।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।