কলসীয় 1:9 - Chakma Bible

⁹ ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

কলসীয় 1:9 Iomraidhean Croise

গীতসংহিতা 119:99

মর্ বেক মাস্তরুনোত্তুন্ বেশ্ মুই জ্ঞানবলা, কিত্তে তর্ বেক কধানিলোই মুই ধ্যান গরং।

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

প্রেরিত্‌ 12:5

ইয়েনত্যে পিতররে জেলখানাত্ আক্‌সোই রাগা অলঅ। মাত্তর্ মন্ডলী মানুচ্চুনে গোজেন ইধু পিতরত্যে কোজোলী গুরিনে তবনা গত্তন্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

১ করিন্হীয় 1:5

সেই দোয়্যেগান্ ইয়েন, তুমি খ্রীষ্ট সমারে মিজেইনে বেক্কানিত্তুন্, অত্তাৎ বেক্কানি কবার্ খেমতা আর জ্ঞানদি বাড়ি উত্ত্য,

ইফিষীয় 1:8

এ দোয়্যেগান গোজেনে তার্ দাঙর্ জ্ঞান আর বুদ্ধিলোই খুলো আঢে আমারে দান গোজ্জ্যে।

ইফিষীয় 5:10

সেক্কে তুমি তোলেইনে চেই পারিবা কন্ কন্ কামানিত্ প্রভু হুজী অয়।

ইফিষীয় 5:17

সেনত্যে কং, তুমি বুদ্ধি-নেইয়্যে ন-ওইয়ো, বরং প্রভুর আওজ্‌‌‍চান কি সিয়েন বুঝি লঅ।

ইফিষীয় 6:6

মান্‌জ্যরে হুজী গুরিবার মনভাব্‌পোই তমা গিরোজ্‌চুনোর চোগো মুজুঙোত্ বানা তারার্ বাধ্য ন-ওইয়ো; তাত্তুন্ বরং খ্রীষ্টর্ চাগর্ ইজেবে গোজেনর্ আওজ্‌চান মনেপরাণে পালেইনে তুমি গিরোজ্‌চুনোর বাধ্য ওইয়ো।

ফিলিপীয় 1:4

তমাত্যে তবনার্ সময়োত্ মুই নিত্য হুজী ওইনে তবনা গুরি থাং,

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 5:17

নিত্য তবনা গরঅ,

২ থিষলনীকীয় 1:11

সেনত্যে আমি নিত্য তমাত্যে তবনা গুরি থেই যেন আমা গোজেনে তমারে তার্ ডাগনির্ যগাজ্জ্যে বিলিনে মনে গরে, আর যেন তার্ খেমতালোই তমার্ গম্ কাম গুরিবার আওজ্‌চানি তে পুরেই দে আর বিশ্বেজর্ ফলে তুমি যে কামানি গরর্ তে যেন সিয়েনি পূরোণ গুরি দে।

ফিলীমন 1:4

মুই নিত্য তবনা গুরিনে তঅ কধা ইদোত্ রাগেইনে তত্ত্যেই গোজেনরে ভালেদি জানেই থাং,

ফিলীমন 1:6

মুই এ তবনাগান গরং যে, তর্ বিশ্বেজত্যে তর্ দান গরানার মাধ্যমে যেন খ্রীষ্ট বাঈনী পায়। ইয়েনবাদে খ্রীষ্ট সমারে এগত্তর্ ওইনে আমি যেদক্কানি বর্ পেইয়্যেই সিয়েনি পুরোপুরি গুরি বুঝি পারিনে তর্ দান গরানার্ কামান যেন আরঅ বাড়ে।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।

১ পিতর 4:2

সিয়েনত্যে এই জগদর্ বাগি জিংকানিগান তে আর জগদর্ কামনা-বাসনা ঈল্ মারেইনে ন-কাদায়, বরং গোজেনর্ আওজ্‌ পালেইনে কাদায়।

১ যোহন 2:17

জগদ্ আর জগদর্ কামনা-বাসনা থুম্ ওই যার্, মাত্তর্ গোজেনর্ আওজ্‌চান যে পালায় তে উমরত্যে থেবঅ।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।