কলসীয় 1:26 - Chakma Bible

²⁶ গোজেনর্ কধানি ভিদিরে যে গুমুরো সত্যগান পুরোণি মানুচ্চুনো ইধু যুগ যুগ ধুরি লুগেয়্যে এলঅ, ইক্কিনে তা মানুচ্চুনো ইধু সিয়েন ফগদাং ওইয়্যে।

কলসীয় 1:26 Iomraidhean Croise

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

মথি লেখ্যে গম্ হবর্ 20:7

তারা তারে কলাক্, কেঅ আমারে কামত্ ন- লাগায়। তে সে মানুচ্চুনোরে কলঅ, তুমিয়ো মঅ আংগুর খেদর্ কামত্ যঅ।

মার্ক 4:11

যীশু তারারে কলঅ, “গোজেন রেজ্যর্ গুমুরো সত্যগান্ তমারে জানিবাত্তে দিয়্যে ওইয়্যে, মাত্তর্ অন্যগুন যিগুনে বারেত্তুন্, হিত্ত্যলোই বেক্ কধানি কুয়ো অয়,

লূকে লেখ্যে গম্ হবর্ 8:10

সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।

১ করিন্হীয় 2:7

আজলে আমি গোজেনর্ জ্ঞানবলা গুমুরো উদ্দেচ্চ্যর্ কধা কোই। সেই উদ্দেচ্চ্যগান লুগেইয়্যে এলঅ আর জগদ্‌তান্ বানেবার আগেদি গোজেনে সিয়েন থির্ গুরি রাগেয়্যে যেন আমি তার্ মহিমার্ ভাগী ওই পারিই।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

২ তীমথিয় 1:10

মাত্তর্ ইক্কিনে আমার উদ্ধোর্ গুরিয়্যে খ্রীষ্ট যীশুর এ জগদত্ এজানায় তে সেই দোয়্যেগান ফগদাং গোজ্জ্যে। খ্রীষ্ট মরণানরে ভস্ত গোজ্জ্যে আর গম হবরর্ মাধ্যমে ভস্ত ন-ওইয়্যে জিংকানির্ কধা ফগদাং গোজ্জ্যে।