কলসীয় 1:16 - Chakma Bible

¹⁶ কিত্যেই আগাজত্ আর পিত্‍‌‌‌‍‌‍থিমীত, যিয়েনি দেগা যায় আর যিয়েনি দেগা ন-যায়, বেক্কানি তা মাধ্যমে সৃট্টি ওইয়্যে। দাঙর্ অাগাজত্ যিগুনো আঢত্ রাজাগিরি, দোঙেবার, শাসন আর খেমতা আঘে তারারে বেক্কুনোরে তাঁরে দিইনে তাত্যেই সৃট্টি গরা ওইয়্যে।

কলসীয় 1:16 Iomraidhean Croise

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গম্ উপদেজ্ 16:4

লগেপ্রভু বেক্কানি বানেয়্যে তারার যার্ যার্ উদ্দেশ্য মজিম্; পাজিগুনোরেয়ো তে দুদ্দশা-দিনোত্তে ঠিগ্ গুরি রাগেয়্যে।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যোহন 1:10

তে পিত্‌থিমীত্ এলঅ আর পিত্‌থিমীগান্ তা মাধ্যমে সৃট্টি ওইয়্যে, তো জগদর্ মানুচ্চুনে তারে ন-চিনিলাক্।

যোহন 1:3

বেক্কানি সেই কধালোই সৃট্টি ওইয়্যে। আর যিয়েনি সৃট্টি ওইয়্যে সিয়েনি ভিদিরে কনঅ কিজু তারে বাদে সৃট্টি ন-অয়।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

রোমীয় 8:38

মুই এ কধাগান্ গমেদালে কোই পারং, মরণ্ বা জিংকানি, স্বর্গদূত্ বা শদানর্ দূত, ইক্কিনে বা ভবিচ্চদর্ কনঅ কিজু বা অন্য কনঅ বাবোত্যে খেমতা,

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

ফিলিপীয় 2:10

যেন স্বর্গত, পিত্‌থিমীত আর পিত্‌থিমীর মূঢ়োত্ যিগুনে আঘন্ সিগুনে বেক্কুনে যীশুর্ মুজুঙোত্ আঢু পাদিবাক্,

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

কলসীয় 1:20

সিয়েনবাদে পিত্‌থিমীত ওক্‌ বা স্বর্গত ওক্‌, খ্রীষ্টর্ মাধ্যমে তার্ নিজো লগে বেক্কানির্ মিজেনাগান-অ তে চেইয়্যে। খ্রীষ্ট ক্রুশো উগুরে তার্ লো-গান দান গুরিনে শান্তি আন্ন্যে বিলিনে এই মিজেনাগান্ ওই পাজ্জ্যে।

কলসীয় 2:10

তে দাঙর্ আগাজর্ বেক্কানির্ শাসনগুরিয়্যে আর খেমতার্ অধিকারীগুনোর্ উগুরে।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 2:10

বেক্কানি গোজেনত্যে আর বেক্কানি তারে দিইনে ওইয়্যে। সেনত্যে ভালুক্কুন পুয়োরে তার্ মহিমার ভাগী অবার্ আজায় উদ্ধোরর্ গড়াগান যীশুর দুঘ্ পানালোই পূরোণ গরানা গোজেনত্যে ঠিগ্ কামান ওইয়্যে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।