কলসীয় 1:11 - Chakma Bible

^11-12 ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,

কলসীয় 1:11 Iomraidhean Croise

গীতসংহিতা 63:2

এ মনভাব্‌পোই সেই পবিত্রজাগানত্ মুই তরে দেখ্যং, দেখ্যং তর্ বল্ আর বাঈনী পানা।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

গম্ উপদেজ্ 24:10

দজার্ দিনোত্ যুনি তুই আজা নেইয়্যে অচ্, সালে দঅ তঅ খেমতাগান বেশ্ নয়।

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

ইফিষীয় 3:16

মুই তবনা গরং যেন গোজেনর্ শেচ্‌-নেইয়্যে মহিমা অনুসারে তে তমারে এমন্‌ খেমতা দে যেনে পবিত্র আত্মার মাধ্যমে তমা মনানি খেমতাবলা অয়,

ইফিষীয় 4:2

তমার খাচ্চ্যদ্‌তানি যেন পুরোপুরি গুরি নম্র আর নরম অয়। ধৈজ্জ্য ধরঅ আর কোচ্‌পানার মনভাব্‌পোই একজন আরেকজনরে সোজ্জ্য গরঅ।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

২ পিতর 1:6

জ্ঞান সমারে নিজোরে দঙানা আর নিজোরে দঙানা সমারে ধৈজ্জ্য, ধৈজ্জ্যর্ সমারে গোজেন উগুরে ভোক্তি,

ফগদাং পেইয়্যে 14:12

যিগুনে গোজেনর্ উগুম পালান্ আর যীশু উগুরে বিশ্বেজি থান্ গোজেনর্ সেই মানুচ্চুনোর এই অবস্থাত্ ধৈজ্জ্যর্ দরকার।