আমোষ 1:4 - Chakma Bible

⁴ সেনত্তে মুই হসায়েলর রাজঘরান উগুরে আগুন পাদেম; সিয়েনে বিন্‌‌হদদর্ ঘরানিরে পুড়ি ফেলেব।

আমোষ 1:4 Iomraidhean Croise

১ রাজাবলী 19:15

সেক্কে লগেপ্রভু তারে কলঅ, “তুই যে পধেন্দি এচ্ছোস্‌ সে পধেন্দি ফিরি যেইনে দামেস্কর্‌ ধূল্যেচর-চাগালাত্‌ যাহ্। সিদু লুমিনে তুই হসায়েলরে অরামর রাজার পদথ্‌ অভিষেগ্ গর্‌।

২ রাজাবলী 13:25

সেক্কে যিহোয়াহসর পুয়ো যিহোয়াশে সেই বেক্‌ শঅরানি আরঅ গজক গুরি নেযেল যিয়েনি হসায়েলর পুয়ো বিন্‌হদদে তা বাপ্পো যিহোয়াহসত্তুন্‌ যুদ্ধোত্ জিদিনে নেযেয়্যে। যিহোয়াশে তিনবার বিন্‌হদদরে যুদ্ধোত্‌ ওদেই দিইনে ইস্রায়েলীয় শঅরানি উদ্ধোর্‌ গুরি নিলো।

২ রাজাবলী 13:3

সেনত্তে ইস্রায়েল বিরুদ্ধে লগেপ্রভুর রাগ্‌কান্‌ জুলি উদিলো; আর তে অরামর রাজা হসায়েল আর তা পুয়ো বিন্‌হদদ আঢত্‌ বার্‌ বার্‌ তারারে তুলি দিলো।

২ রাজাবলী 6:24

ইয়েন কয়েকদিন পরেন্দি অরামর্‌ রাজা বিন্‌হদদে তার্‌ বেক্‌ সৈন্যদলুন্‌ এগত্তর্‌ গুরিলো আর তারারে নেযেইনে শমরিয়াগান ঘিরিলো।

২ বংশধর 16:2

সেক্কে আসা লগেপ্রভুর ঘর আর তার্‌ নিজোর্‌ রাজঘরর্‌ ভান্ডালত্তুন্‌ সোনা আর রূবো নিগিলেনে অরাম দেজর রাজা বিন্‌হদদ ইদু পাধেই দিলো। বিন্‌হদদ দামেস্ক শঅরত্‌ বজত্তি গুরিদো। আসা তারে কোই পাদেল,

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 49:27

দামেস্কর দেবালানিত্ মুই আগুন বাজেই দিম্; সিয়েন বিন্‌হদদর তাম্বুলানি পুড়ি ফেলেব।”

যিহিষ্কেল 30:8

যেক্কে মুই মিসরত্ আগুন বাজেই দিম আর তার বেক্ বল্‌‌‌দিয়্যেগুনে চুরমার ওই যেবাক্ সেক্কে তারা হবর্ পেবাক, মুয়ই লগেপ্রভু।

যিহিষ্কেল 39:6

মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

হোশেয় 8:14

ইস্রায়েলর মানুচ্চুনে নিজো গোজেনরে ভুলি যেইনে দাঙর্ দাঙর্ ঘর বানেয়োন; যিহূদার মানুচ্চুনে ভালোক্কানি শঅর্ দেবাল্লোই ঘিজ্যন্। মাত্তর্ মুই তারার্ শঅরানি উগুরে আগুন পাদেম্ যিয়েনে তারার্ বেক ঘরানিরে পুড়ি ফেলেব।”

আমোষ 1:10

সেনত্তে মুই সোর দেবাল উগুরে আগুন পাধেই দিম; সিয়েনে তার্ ঘরানি পুড়ি ফেলেব।”

আমোষ 1:12

সেনত্তে মুই তৈমন উগুরে আগুন পাদেম; সিয়েনে বস্রার ঘরানিরে পুড়ি ফেলেব।”

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 1:7

সেনত্তে মুই গাজার দেবাল উগুরে আগুন পাদেম; সিয়েনে তার ঘরানিরে পুড়ি ফেলেব।

আমোষ 2:2

সেনত্তে মুই মোয়াব উগুরে আগুন পাধেই দিম; সিয়েনে করিয়োতর্ ঘরানিরে পুড়ি ফেলেব। যুদ্ধোর্ ডাগ্ আর শিংগার রবো সমারে অমকদ যাগুলুক্ বাঁজিনে মোয়াবর অদপতন্ অবঅ।

আমোষ 2:5

সেনত্তে যিহূদা উগুরে মুই আগুন পাধেই দিম; সিয়েনে যিরূশালেমর্ ঘরানিরে পুড়ি ফেলেব।”

বিচের গুরিয়্যেগুন 9:57

শিখিমোর মানুচ্চুনে যেদক্কানি অন্যেয় গোজ্যন্ তার পাওনা সাজা গোজেনে তারারেয়ো দিলো। ইঙিরিনে যিরুব্বালর পূঅ যোথমর ব-নিঝেচ্‌সো তারা উগুরে পড়িলো।