আমোষ 1:2 - Chakma Bible

² আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

আমোষ 1:2 Iomraidhean Croise

গীতসংহিতা 29:4

লগেপ্রভুর রবো বল্লোই ভরা, মহিমালোই ভোজ্যে সে রবো।

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গম্ উপদেজ্ 20:2

রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

যিশাইয় 33:9

দেজ্‌চানে আবিলেচ্ গরের্ আর শুগেই যার্, লেবাননে লাজ্ পেইয়্যে আর শুগেই যার্, শারোণানে ধূল্যেচর-চাগালা ধোক্ক্যেন ওইয়্যে আর বাশন আর কর্মিলো বেক্ গাজ পাদানি ঝুরি পড়ের্।

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 14:2

“যিহূদা আবিলেচ্ গরের্, কিত্তে তা শঅরানি বল্‌পোজ্যে ওই পোজ্যে; সিদুগোর মানুচ্চুনে মাদিত্ পড়িনে আবিলেচ্ গত্তন্, আর যিরূশালেমত্তুন এক্কো কানানা রঅ উগুরে উদের্।‌‍‍‍‍‍‍

যিরমিয় 25:30

“ইক্কিনে তুই তারা বিরুদ্ধে ভাববাদী ইজেবে এ কধানি কঅ, ‘লগেপ্রভু উগুরেত্তুন গুজুরি উদিবো; তার সুদ্ধো-সাংগ থেবার জাগানত্তুন্ তে তার রবো শুনেব আর তা দেজর্ বিরুদ্ধে খুব দাঙর্ গুরি গুজুরি উদিবো। যিগুনে আংগুর মাড়ন তারা ধোক্ক্যেন তে পিত্‌থিমীত বজত্তি গুরিয়্যে বেক্কুনো বিরুদ্ধে যোগার্ পারিবো।‌

যিরমিয় 28:8

তর্ আর মঅ আগেদি পুরোণ দিনোর যে ভাববাদীগুনে এলাক্, তারা বোউত্ দেজ্ আর দাঙর্ দাঙর্ রেজ্যগানি বিরুদ্ধে যুদ্ধো, পারাদযা আর ভানা পৌইদ্যেনে আগামকধা কোইয়োন।

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

হোশেয় 13:8

ছঅ চুর্ ওই যেইয়্যে ভাল্লুগো ধোক্ক্যেন মুই তারারে আক্রমণ গুরিনে তারা বুগ্‌‌‌‌‌কুন ছিনি ফেলেম। সিংহ ধোক্ক্যেন মুই তারারে গিলি ফেলেম; ঝার্‌‌‌‌‌বো য়েমান ধোক্ক্যেন মুই তারারে কট্টা কট্টা গুরি ছিনি ফেলেম।

যোয়েল 1:19

ও লগেপ্রভু, মুই তরে ডাগঙর্, কিত্যে চরি হেবার্ জাগায়ানি আগুনে গিলি ফেলেয়্যে আর আগুনো জিলে পুড়ি ফেলেয়্যে মাদর্ বেক গাজ্-বাজ্‌চুন।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

আমোষ 9:3

তারা কর্মিল মুড়োবো মাঢাত্ নিজোরে লুগেলেয়ো সিত্তুন্ মুই তারারে তোগেইনে ধুরিম। তারা মত্তুন্ সাগর তলাত্ লুগেলেয়ো সিদু তারারে কামেড়েবাত্তে মুই সাপ্‌‌‌পোরে উগুম দিম।

নহূম 1:4

তে সাগরানরে ধমক্ দিইনে শুগেই ফেলায়; বেক্ গাঙানিরে তে পানি নেইয়্যে গুরি দে। বাশন আর কর্মিলান্ শুগেই যায় আর লেবাননর্ বেক ফুলুন্ শুগেই যান।

১ শমূয়েল 25:2

সেক্কে মায়োন আদামত্‌ এক্কো অমকদ তাগোয়্যে মানুচ্‌ এলঅ। তার কাজ-কারবার এলদে কর্মিল আদামত। তার তিন আজার ভেড়া আর এক আজার ছাগল এলাক্। সেই অক্তত্‌ কর্মিলোত্‌ তে তার ভেড়ার কেচ্‌শানি ঠিগ্ গুরি দের্।