প্রেরিত্‌ 8:7 - Chakma Bible

⁷ ভালোক্ জন ভিদিরেত্তুন্ ভান্ন্যেই আত্মাবো রঅ ছাড়িনে নিগিলি গেলঅ আর ভালোক্কুন্ বেশৎ রুগি আর লেং গম্ অলাক্।

প্রেরিত্‌ 8:7 Iomraidhean Croise

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

মথি লেখ্যে গম্ হবর্ 10:1

যীশু তার্ বারজন শিচ্চ্যরে ডাগিলো আর ভুত ধাবেবার্ আর নানান্ বাবোত্যে পীড়ে গম্ গুরিবার খেমতা দিইনে তারারে পাধেই দিলো।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মার্ক 9:26

সেক্কে সেই ভান্ন্যেই আত্মাবো রঅ ছাড়িনে পুয়োবোরে জুরে মুজুরি ধুরিলো আর তা ভিদিরেত্তুন্ নিগিলি গেলঅ। সেক্কে পুয়োবো মরা ধোক্ক্যেন্ পুড়ি রলঅ দেগিনে ভালোক্কুনে কলাক্, “তে মুরি যেইয়্যে।”

লূকে লেখ্যে গম্ হবর্ 10:17

সেই সত্তুর্‌‌জন শিচ্চ্য হুজিয়ে ফিরি এইনে কলাক্, “প্রভু, তঅ নাঙান্ ধুরিনে কলে ভান্ন্যেই আত্মাগুনেয়ো আমা কধা শুনোন্।”

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

প্রেরিত্‌ 5:16

যিরূশালেম কায়কুরে আদামত্তুন্ বোউত্ মান্‌জ্যে তারার্ পিড়েল্ল্যেগুনোরে আর ভান্ন্যেই আত্মা আদত্ দুঘ্-পেইয়্যে মানুচ্চুনোরে আনিনে ভিড় গরা ধুরিলাক্, আর তারা বেক্কুনে গম্ অলাক্।

প্রেরিত্‌ 8:6

মানুচ্চুনে তা কধানি শুনিনে আর তে যেদক্কানি আমক্ অবার্ কাম্ গোজ্যে সিয়েনি দেগিনে তা কধানি মন দিইনে শুনিলাক্।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।