প্রেরিত্‌ 8:5 - Chakma Bible

⁵ সে অক্তত্ ফিলিপে শমরিয়া রেজ্যর্ এক্কান্ শঅরত্ যেইনে মশীহ পৌইদ্যেনে প্রচার গল্ল।

প্রেরিত্‌ 8:5 Iomraidhean Croise

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 21:8

তার্ কেল্যে আমি লদ্ দিইনে কৈসরিয়াত্ লুমিলোং আর গম্ হবরর্ প্রচারক ফিলিপ ঘরত্ থেলং। ইবে অলদে যিরূশালেম মন্ডলীর সেই সাতজন্ সেবাগুরিয়্যেত্তুন্ একজন।

প্রেরিত্‌ 5:42

তারা পত্তিদিন উবোসনা-ঘরত আর ঘরে ঘরে যেইনে শিক্ষ্যে দিয়্যে ধল্লাক্ আর যীশুই যে মশীহ এ গম্ হবরান্ ফগদাং গরা ধল্লাক্।

প্রেরিত্‌ 6:5

দলর বেক্কুনোর এ কধাগান গম্ লাগিলো। বিশ্বেজে আর পবিত্র আত্মালোই ভরা স্তিফানরে তারা বেঈ ললাক্। ইয়েন বাদে তারা ফিলিপ, প্রখর, নীকানর, তীমোন, পার্মিনা আর আন্তিয়খিয়া শঅরর্ নিকলায়রেয়ো বেঈ ললাক্। এই নিকলায়ে অযিহূদী ওইনেয়ো যিহূদী ধর্ম পালেদ।

প্রেরিত্‌ 8:1

শৌলে সিধু স্তিফানর খুনর্ পক্ষে কধা কর্। সেদিন্যে যিরূশালেমর খ্রীষ্টীয় মণ্ডলীর মানুচ্চুনো উগুরে অমকদ অত্যেচার অলঅ। সিয়েন্দোই দিপাধেয়্যেগুন বাদে বাদবাগি বেক্ বিশ্বেজিগুন যিহূদিয়া আর শমরিয়া রেজ্যর্ বেক্ জাগানিত্ ছিদি পড়িলাক্।

প্রেরিত্‌ 8:26

এক দিন্ন্যে প্রভুর এক্কো দূত্ ফিলিপরে কলঅ, “উঠ্, দোগিণেদি যে পধ্‌তান যিরূশালেমত্তুন্ গাজা শঅর ইন্দি যেয়্যে সে পধ্‌তান ইন্দি যাহ্।” পধ্‌তান এলঅ ধূল্যেচর ভিদিরে।

প্রেরিত্‌ 8:30

সেক্কে ফিলিপে ধাবা যেইনে সেই রথ্‌তান কুরে গেলঅ আর শুনিলো মানুচ্চো ভাববাদী যিশাইয়র্ বোইবো পড়ের্। ফিলিপে তারে পুযোর্ গুরিলো, তুই যিয়েন্ পড়র্ সিয়েন্ কি বুঝি পারর্?

প্রেরিত্‌ 8:40

মাত্তর্ ফিলিপরে অস্‌দোদ শঅরত্ দেগা গেলঅ। তে আদামে আদামে গম্ হবর্ ফগদাং গত্তে গত্তে যেরেদি কৈসরিয়াত্ গেলঅ।

প্রেরিত্‌ 8:6

মানুচ্চুনে তা কধানি শুনিনে আর তে যেদক্কানি আমক্ অবার্ কাম্ গোজ্যে সিয়েনি দেগিনে তা কধানি মন দিইনে শুনিলাক্।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 2:2

মুই ঠিগ্ গোজ্জ্যংগে, তমা ইধু থেবার্ অক্তত্ মুই যীশু খ্রীষ্টরে, অত্তাৎ ক্রুশোত্ দিয়্যে যীশু খ্রীষ্টরে হবর্ পানা বাদে আর কিচ্চু হবর্ ন-পেম্।

১ করিন্হীয় 3:11

যে গড়াগান আগে গারা ওইয়্যে সিয়েন বাদে আর কনঅ গড়া কেঅ তুলি ন-পারন্। যীশু খ্রীষ্টই অলঅ সেই গড়াগান্।