প্রেরিত্‌ 8:22 - Chakma Bible

²² এ ভান্ন্যেয়ত্তুন্ তুই তর্ মনান্ ফিরে আর প্রভু ইধু তবনা গর্; সালে তঅ মনর্ এই ভান্ন্যেই চিন্তেগান অয়ত তে খেমায়ো গুরি পারে।

প্রেরিত্‌ 8:22 Iomraidhean Croise

গম্ উপদেজ্ 24:9

বাজে-বিবেক্ মান্‌জ্যর কুজুরোমিগানি অলঅ পাপ; মান্‌জ্যে ঠাট্টা-ঈচ্ গুরিয়্যেবোরে ঘিনেন্।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

আমোষ 5:6

তুমি লগেপ্রভু ইধু যঅ সেক্কে বাঁজিবা; সিয়েন ন-অলে তে আগুনো ধোক্ক্যেন গুরি যোষেফর, অত্তাৎ ইস্রায়েল মানুচ্চুনো ভিদিরে জুলি উদিবো। সে আগুনানে গিলি ফেলেব আর বৈথেলর কনজনে সিয়েন মারেই ন-পারিবো।

যোনা 1:6

সেক্কে জাহাজ কেপ্টিন্নো যোনা ইধু যেইনে কলঅ, “তুই কিবাবোত্যেগুরি ঘুম যর্? উদিনে তঅ দেবেদাবোরে ডাগ্। তে অয়ত আমা ইন্দি মনযোগ দিবো আর সেক্কে আমি ভস্ত ন-অবং।”

যোনা 3:9

কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

প্রেরিত্‌ 9:11

প্রভু তারে কলঅ, “উজু নাঙে যে পধ্‌‌‌‌তান আঘে তুই সে পধ্‌‌‌‌তানত্ যাহ্। সিধু যিহূদার ঘরত্ শৌল নাঙে তার্ষ শঅরর্ এক্কো মান্‌জ্যরে তগাগোই। তে তবনা গরের্ আর দর্শনত্ দেক্ক্যে, অননিয় নাঙে এক্কো মানুচ্‌ এইনে তা কিয়্যেগানত্ আঢ্ বাজেয়্যে যেন তে আরঅ চোগেদি দেগে।”

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।