প্রেরিত্‌ 8:12 - Chakma Bible

¹² মাত্তর্ ফিলিপে যেক্কে গোজেনর্ রেজ্য আর যীশু খ্রীষ্ট পৌইদ্যেনে গম্ হবর্ প্রচার গুরিলো সেক্কে মানুচ্চুনে তা কধালোই বিশ্বেজ্ গুরিলাক্ আর মরদ আহ্ মিলেগুনে বাপ্তিষ্ম লুয়ো ধুরিলাক্।

প্রেরিত্‌ 8:12 Iomraidhean Croise

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

লূকে লেখ্যে গম্ হবর্ 9:2

সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।

লূকে লেখ্যে গম্ হবর্ 9:60

যীশু তারে কলঅ, “মরাগুনে তারার্ মরাগুনোরে কবর্ দেদোক্, মাত্তর্ তুই এইনে গোজেন রেজ্য পৌইদ্যেনে ফগদাং গর্।”

প্রেরিত্‌ 1:3

তার দুঘ্ ভোগ্ গরানার্ পরেদি এ মানুচ্চুনো ইধু তে দেগা দিয়্যে আর তে যে জেদা আঘে সিয়েনর বোউত্ বিশ্বেজ্ গুরিবার প্রমাণ্ দিয়্যে। চল্লিশ দিন সং তে শিচ্চ্যগুনোরে দেগা দিইনে গোজেন রেজ্যর্ পৌইদ্যেনে কোইয়্যে।

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

প্রেরিত্‌ 19:5

এ কধাগান শুনিনে সেই শিচ্চ্যগুনে প্রভু যীশুর্ নাঙে বাপ্তিষ্ম ললাক্।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

প্রেরিত্‌ 28:31

তে সাহচ্‌ গুরিনে গমেডালে গোজেন রেজ্য পৌইদ্যেনে প্রচার গুরিদো আর প্রভু যীশু খ্রীষ্ট পৌইদ্যেনে শিক্ষ্যে দিদো।

প্রেরিত্‌ 5:14

সিয়েন অলেয়ো বোউত্ মরদ্ আর মিলে প্রভু উগুরে বিশ্বেজ্ গুরিলাক্ আর বিশ্বেজি দল সমারে মিজেলাক্।

প্রেরিত্‌ 8:4

যে বিশ্বেজিগুন ছিদি পোজ্যন্ তারা চেরোকিত্ত্যেদি যেইনে খ্রীষ্টর গম্ হবরর্ কধাগান প্রচার গরা ধল্লাক্।

রোমীয় 10:10

কিয়া মনেদি বিশ্বেজ্ গরানার্ ফলে গোজেনে মান্‌জ্যরে নিদ্দুজি বিলিনে মানি লয় আর মুয়োদি স্বিগের্ গরানার্ ফলে পাপত্তুন্ উদ্ধোর্ গরে।

১ করিন্হীয় 11:11

খালিক্ প্রভু সমারে মিজেইনে মিলেবো তা নেগ্‌কো উগুরে নির্ভর গরে;

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।