প্রেরিত্‌ 8:10 - Chakma Bible

¹⁰ তে নিজোরে এক্কো আলাদা মানুচ্‌ বিলিনে দাবী গত্ত, আর থাগোইয়্যে-নাঢা বেক্কুনে তা কধালোই কান পাঢিদাক্। মান্‌জ্যে কদাক্, “গোজেনর্ যে খেমতাগানরে মহৎ খেমতা কুয়ো অয় এ মানুচ্চো সেই খেমতাবলা।”

প্রেরিত্‌ 8:10 Iomraidhean Croise

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 42:1

সে পরেদি সৈন্যদলর বেক সেনাপতিগুনে, কারেহের পুয়ো যোহানন আর হোশয়িয়র পুয়ো যাসনিয় আর বেক মানুচ্চুনে এইনে ভাববাদী যিরমিয়রে কলাক্, “দোয়্যে গুরি তুই আমা কোজোলিগান শুন্ আর বাদবাগি মানুচ্চুনোত্তে তুই তঅ গোজেন লগেপ্রভু ইধু তবনা গর্। তুই দঅ ইক্কিনে দেগর্ যুনিয়ো এক সময় আমি ভালক্কুন্ এলং ইক্কিনে বানা কয়েকজন আগিই।

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যোনা 3:5

সেক্কে নীনবীর মানুচ্চুনে গোজেন কধানি বিশ্বেজ্ গুরিলাক্। সেনত্তে তারা উবোস্ থানা কধাগান কলাক্ আর দাঙরত্তুন্ ধুরি চিগোন সং বেক্কুনে বস্তা পাদা পিনিলাক্।

প্রেরিত্‌ 14:11

পৌলে যিয়েনি গুরিলো সিয়েনি দেগিনে মানুচ্চুনে লুকায়নীয় ভাষায় রঅ ছাড়িনে কলাক্, “দেবেদাগুনে মানুচ্‌ ওইনে আমা ইধু লামি এচ্চ্যন্।”

প্রেরিত্‌ 28:6

মানুচ্চুনে মনে গোজ্জ্যন্ তা কিয়্যেগান ফুলি উদিবো বা অদাঢত্ তে মুরি যেবঅ। মাত্তর্ ভালক্কন্ বাজ্জ্যেই থেইনেয়ো তার্ কিচ্চু ন-অলঅ দেগিনে তারা মনান্ বুদুলিনে কুয়ো ধুরিলাক্, “তে দেবেদা।”

১ করিন্হীয় 1:24

মাত্তর্ যিহূদী ওক্‌ আর গ্রীকই ওক্‌, গোজেনে যিগুনোরে ডাক্ক্যে তারা ইধু সেই খ্রীষ্টই গোজেনর্ খেমতা আর গোজেনর্ জ্ঞান।

২ করিন্হীয় 11:19

তুমি জ্ঞানী বিলিনে হুজি ওইনে বেদমাগুনোরে সোজ্জ্য গরঅ।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।

ফগদাং পেইয়্যে 13:3

য়েমান্নোর্ এক্কো মাঢাত্ এমন্‌ এক্কান আঘাত এলঅ যিয়েনত্যে তে মরেদে ধোক্ক্যেন ওইয়্যে, মাত্তর্ সেই আঘাত্তান্ গম ওই যেয়্যে। সেক্কে জগদর্ বেক্ মানুচ্চুনে আমক্ ওইনে সেই য়েমান্নোর্ পিজে পিজে যাহ্ ধুরিলাক্।