প্রেরিত্‌ 7:51 - Chakma Bible

⁵¹ ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

প্রেরিত্‌ 7:51 Iomraidhean Croise

২ রাজাবলী 17:14

মাত্তর্‌ তারা সে কধানিলোই কান্‌ ন-পাদন্‌। তারার্‌ পূরোণিমানুচ্চুনে যিগুনে তারার্‌ গোজেন্‌ লগেপ্রভুর উগুরে বিশ্বেজ্ নঅ-গুরিদাক্‌, তারা ধোক্ক্যেন তারা একগেয়েমি গুরিদাক্‌।

২ বংশধর 30:8

“তুমি তমা পূরোণি মানুচ্চুনো ধোক্ক্যেন গত্তনাগুন্‌ দর ন-গুরিবা বরং লগেপ্রভুর আঢত্ নিজোরে দি দুয়ো। যে সুদ্ধো-সাংগ ঘরানরে তে উমরত্তে নিজোর্‌ নাঙে যুদো গোজ্যে তুমি সে ঘরানত্‌ এজঅ আর তোমা গোজেন লগেপ্রভুরে সেবা গরগি যেনে তমা উগুরেত্তুন্‌ তার্‌ দর্‌গরেপারা রাগকান্‌ যাইয়োই।

নহিমিয় 9:16

তো আমা পূরোণিমানুচ্চুনোর বেবহার্‌ এলদে বার্‌বোলোই ভরা; তারা একগেয়েমি ওইয়োন্‌ আর তর্‌ উগুমান্‌ ন-পালান্‌।

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

গীতসংহিতা 75:5

তমা শিঙুন ন-পাত্যেয়ো আর গত্তনা বেঙা গুরিনে কধা ন-কোইয়ো। ”

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যাত্রা 32:9

লগেপ্রভু মোশিরে আরঅ‌ কলঅ‌, “এই বেক্‌ মানুচ্চুনোরে মুই চিনোং। ইগুনে এক বাবোত্যে উল্ল্য জাত্‌।”

যাত্রা 33:3

সিদু দুধ, মধু আর কনঅ‌ কিজুর্‌ চিদে চজ্জা নেই। মাত্তর্‌ তুমি এক্কো একবুচ্চ্যে জাদ্ বিলিনে মুই তমা লগে ন-যেম্‌, গেলে পদথ্‌ মুই তমারে শেজ্ গুরি দিম্‌।”

যাত্রা 33:5

কিত্তে লগেপ্রভু মোশিরে কোইয়্যেদে, “ইস্রায়েলীয়গুনোরে কোইদে, তারা এক্কো একবুচ্চ্যে জাদ্। সেনত্যে যুনি মুই কানক্কন্অ তারা সমারে থাং, সালে মুই‌ তারারে শেজ্ গুরি ফেলেম্‌। তারার কিয়্যেত্‌ সনা-রূবো যেদক্কানি আঘে সিয়েনি ইক্কিনে তারা খুলি ফেলাদোক্‌। সে পরেদি মুই ঠিগ্ গুরিম্‌ তারারে নিইনে মুই কি গুরিম্‌।”

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিরমিয় 17:23

তমা পুরোণি মানুচ্চুনে সে কধা নয়ো শুনোন্, সিয়েনত্ মনযোগ্‌‌অ ন-দুয়োন। তারা তারার গত্তনাবো দরমর গোজ্যন; তারা মঅ কধানি শুনিবাত্তে আর মঅ শাজনান্ মানিবাত্তে অস্বিগের গোজ্যন।

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 6:10

মুই কা লগে কধা কোম্ আর কারে উজিয়ার গুরিম যেনে তারা মঅ কধাগান শুনোন্? তারার কানানি ঢিবে দুয়োন সেনত্তে তারা ন-শুনোন্। লগেপ্রভুর কধানি তারার ঈচ্ গুরিবার বেপার ওইয়্যে; তারা সিয়েনত্ কনঅ গম্ ন-পান।

যিহিষ্কেল 2:4

যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

যিহিষ্কেল 44:9

যে বিদেশীগুনোর মনানি আর কিয়্যেনি সুন্নত গরা ন-অয় তারা মঅ ঘরত্ সোমেই ন-পারিবাক্; এন্ কি, ইস্রায়েলীয়গুনো ভিদিরে বজত্তি গোজ্যে বিদেশীগুনেয়ো ন-পারিবাক্।

গণাণা 27:14

ইয়েনর্‌ কারনান্‌ অলঅ, সীন ধূল্যেচর-চাগালাত্‌ ইস্রায়েলীয়গুনে যেক্কে পানিত্যে উল্লোমী গোজ্যন্‌ সেক্কে ইস্রায়েলীয়গুনো মুজুঙোত্‌ মরে সুদ্ধো-সাংগ বিলি মান্য গুরিবার্‌ উগুমান্‌ তুমি অমান্য গোজ্য।” ইয়েন্‌ সীন ধূল্যেচর-চাগালাত্‌ কাদেজর্‌ মরীবার পানিগানর কধা।

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

প্রেরিত্‌ 7:27

মাত্তর্ যে মানুচ্চো বজং বেবহার গোজ্যে তে মোশিরে ঢাক্কা মারিনে সোরেই দিইনে কলঅ, আমা উগুরে কন্না তরে শাসনগুরিয়্যে আর বিচেরগুরিয়্যে বানেয়্যে?

প্রেরিত্‌ 7:35

ইবে সেই একই মোশি যিবেরে ইস্রায়েলীয়গুনে ইয়েন কোইনে ফিরেই দুয়োন, কন্না তরে শাসনগুরিয়্যে আর বিচেরগুরিয়্যে বানেয়্যে? যে স্বর্গদূত্‌তো সেই ঝুবো ভিদিরেত্তুন্ মোশিরে দেগা দিয়্যে সেই স্বর্গদূত্‌তো মাধ্যমে গোজেনে নিজে এ মোশিরে ইস্রায়েলীয়গুনোর শাসনগুরিয়্যে আর উদ্ধোর গুরিয়্যে ইজেবে মিসরত্ পাধেয়্যে।

প্রেরিত্‌ 7:39

মাত্তর্ আমা পূরোণি মানুচ্চুনে মোশিরে মানি লবাত্তে ন-চেলাক্। সিয়েনর বদলে তারা মোশিরে এলাফেলা গুরিনে মিসর দেজ ইন্দি মন ফিরেইনে হারোণরে কলাক্, আমারে পধ দেগেই নেযেবাত্যে দেব-দেবেদা বানেই দে, কিয়া যে মোশি আমারে মিসর দেজত্তুন্ নিগিলেই আন্ন্যে তার কি ওইয়্যে আমি কোই ন-পারিই।

প্রেরিত্‌ 7:9

সেই গুট্টির বাব্‌পুনে ইংসে গুরিনে যোষেফরে চাগর্ ইজেবে মিসর দেজত্ বেজি দুয়োন। মাত্তর্ গোজেনে যোষেফ লগে থেইনে বেক্‌ দুঘোত্তুন্ আর দজাত্তুন্ তারে রোক্ষ্যে গুরিলো। ইয়েন বাদে গোজেনে যোষেফরে জ্ঞান দান গুরিলো আর মিসরর্ রাজা ফরৌণ সুনজরত্ আনিলো। সেনত্তে ফরৌণে তারে মিসর শাসনগুরিয়্যে আর নিজো ঘরর্ সদ্দার্ বানেল।

রোমীয় 2:25

তুই যুনি রীদি-সুদোম মানি চলচ্ সালে চুুুনু মাঢাবো চামান কাবানার্ দামান্ আঘে; মাত্তর্ যুনি রীদি-সুদোম ন-মানচ্ সালে চুনু মাঢাবো চামান কাবিলেয়ো গোজেন ইধু তুই চুনু মাঢাবো চামান ন-কাপ্যে মান্‌জ্য ধোক্ক্যেন্।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

দ্বি’লম্বর বিররণ 10:16

সেনত্যে তুমি তমার্‌ মনানরে তনা গরঅ; একগেঁয়েমি ওইনে আর ন-থেইয়ো।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

দ্বি’লম্বর বিররণ 9:13

লগেপ্রভু মরে আরঅ কোইয়্যেদে, মুই এ মানুচ্চুনোরে দেখ্যং; ইগুনে এক্কো একবুস্যে জাদ্।

দ্বি’লম্বর বিররণ 9:6

সেনত্যেই তুমি মনত্‌ রাগেয়ো, তুমি ধার্মিক বিলিনেই যে তমার গোজেন লগেপ্রভু এ দোল্‌ দেজ্‌ছান তমারে গজক্ গুরিবাত্তে দের্‌ সিয়েন নয়। তুমি দঅ এক্কো একবুস্যে জাদ্।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।