প্রেরিত্‌ 7:41 - Chakma Bible

⁴¹ এ সময়ানত্ তারা গোরু ছঅ ধোক্ক্যেন্ গুরি এক্কো মূর্ত্তি বানেয়োন। তারা সেই মূর্ত্তিবো ইধু য়েমান ডালি দুয়োন্ আর নিজো আঢে যিবে বানেয়োন সিবেলোই তারা এক্কো খুজীর্ উৎসব গোজ্যন্।

প্রেরিত্‌ 7:41 Iomraidhean Croise

নহিমিয় 9:18

এন্‌ কি, তারা নিজোত্তে ছাজি ফেলেইনে এক্কো গোরুছঅ মূত্তি বানেইনে কোইয়োন্‌, ইবেয়ই তমা গোজেন; মিসর দেজত্তুন্‌ ইবেয়ই তমারে নিগিলেই আন্যে। এধোক্কেন্‌ গুরিনে যেক্কে তারা তরে অমকদ অগমান্‌ গোজ্যন্‌ সেক্কেয়ো তর্‌ মেয়্যেত্তে তুই ধূল্যেচর-চাগালাত্‌ তারারে ছাড়ি ন-যাজ্‌। দিনোত্‌ তারারে আদেই নেযেবাত্তে মেঘঅ ছাগ্‌ আর রেদোত্‌ তারারে যেবার্‌ পধথ্‌ পহ্‌র দিবাত্তে আগুনো ঝিলান্‌ তারাত্তুন্‌ সোরেই ন-নেযাজ্‌।

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

হোশেয় 9:10

লগেপ্রভু কত্তে, “ধূল্যেচর-চাগালাত্ আংগুর ফল পাইদ্যে ধোক্ক্যেন গুরি ইস্রায়েলরে মুই তোগেইনে পেইয়োং; পত্তমবার ফল দিয়্যে ডোমোর্ গাজর্ আগাম ফল ধোক্ক্যেন তমা পুরোণি মানুচ্চুনোরে দেখ্যং। মাত্তর্ তারা বাল-পিয়োর ইধু যেইনে সেই লাজ্ গরেপারা মূত্তিবো ইধু নিজোরে দি দুয়োন্ আর তারার্ কোচ্‌‌পেইয়্যে মূত্তি ধোক্ক্যেন তারা জঘন্য ওই পোজ্যন্।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।