প্রেরিত্‌ 7:23 - Chakma Bible

²³ মোশির বয়স্‌‌চান যেক্কে চল্লিশ বজর্ সেক্কে তে তার ইস্রায়েলীয় ভেইয়ুনো সমারে দেগা গুরিবাত্যে চেলঅ।

প্রেরিত্‌ 7:23 Iomraidhean Croise

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

ইষ্রা 1:1

যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

যাত্রা 35:21

মনত্তুন্‌ সাড়া পেইনে তারা নিজোর্‌ আওজ্‌সোই লগেপ্রভুরে দিবার আজাই মিলন-তাম্বুল বানানা আর তার্‌ সেবা-কামত্তেই আর ধর্মগুরুর্‌ পবিত্র পোজাক্কানিত্তেই দরকার মজিম বেক্কানি লোইনে ফিরি এলাক্।

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

যাত্রা 4:18

ইয়েন পরেদি মোশি তা শুয়োর্‌ যিথ্রো ইধু ফিরি যেইনে তারে কলঅ, “মিসর দেজত্‌ মঅ কুদুম্মোগুনো ইধু মরে ফিরি যেবাত্তে অনুমতি দুয়ো। মুই যেইনে দেগিবাত্তে চাং তারা এজঅ বাঁজি আগন্‌ নাহি।” যিথ্রো মোশিরে কলঅ, “ঠিক্‌ আঘে যঅ, তমার্‌ ভালেদি ওক্।”

যাত্রা 7:7

ফরৌণ লগে কধা কবার্‌ সময়োত্‌ মোশির্‌ বয়জ্‌ আশি বজর আর হারোণর তিরেশি।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”

প্রেরিত্‌ 7:24

এক্কো মিসরীয়রে এক্কো ইস্রায়েলীয় উগুরে ভান্ন্যেই বেবহার গত্তে দেগিনে তে সেই ইস্রায়েলীয়বোরে বল্ দিবাত্যে গেলঅ আর সেই মিসরীয়বোরে মারে ফেলেইনে তা কেনাগান শুজিলো।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

ফগদাং পেইয়্যে 17:17

ইয়েনর্ কারণান্ অলঅ, গোজেনে তারার্ মন ভিদিরে এমন্‌ আওজ্ দিয়্যে যেনে তার্ কধানি ফলে। সিয়েনর্ কারনে তারা একমন ওইনে সেই য়েমান্নো ইধু তারার্ বেক খেমতাগানি দান গুরিবাক্, যেনে গোজেনর্ কধানি পূরোণ ন-অনা সং তে রাজাগিরি গুরি পারে।