প্রেরিত্‌ 7:2 - Chakma Bible

² জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

প্রেরিত্‌ 7:2 Iomraidhean Croise

পত্থম 11:31

অব্রাম, লোট আর সারীরে নেযেইনে তেরহ কনান দেজত্‌ যেবাত্তে কল্‌দীয় দেজ ঊর শঅরত্তুন্‌ যাহ্ ধুরিলাক্‌। অব্রাম অলদে তেরহ পুয়ো, লোটে এলদে তেরহ নাদিন্‌, অত্তাৎ হারণর পুয়ো, আর সারী অলদে তেরহ পূদবো অব্রামর মোক্‌। পোইল্যাদি তারা হারণ নাঙে এক্কান শঅর্‌ সং গেলাক্ আর সিধু বজত্তি গরা ধুরিলাক্ ।

পত্থম 12:1

পরেদি লগেপ্রভু অব্রামরে কলঅ, তুই তর্‌ নিজো দেজচান, তঅ কুদুম্মোগুন্‌ আর তঅ বাবর্ ঘর-দুয়োর্‌ ছাড়িনে মুই যে দেজ্‌চান দেগেই দিম্‌ সে দেজচানত্‌ যাহ্।

পত্থম 12:5

তে তার মোক্‌ সারী আর ভেইপুত্‌ লোটরে লোইনে নিগিলিলো। নিজোর্‌ বেক্কানি নেযেইনে আর যিদুক্কুন চাগর-চাগরানীরে তারা হারণত্‌ পেইয়োন্‌ তারারে লোইনে তে কনান দেজ মোক্ক্যে যেইনে লুমিলোগোই।

পত্থম 15:7

লগেপ্রভু অব্রামরে কলঅ, “মুই লগেপ্রভু। এ দেজচানর্‌ গিরোজ অবাত্তে মুয়ই তরে কল্‌দীয়গুনোর ঊর শঅরত্তুন্‌ নিগিলেই আন্যং।”

পত্থম 29:4

যাকোবে য়েমান্‌ চোড়েইয়্যে গুনোরে পুযোর্‌ গুরিলো, “ভেইলক, তুমি কুদুগো মানুচ্‌?” তারা কলাক্, “হারণ শঅরর্।”

নহিমিয় 9:7

তুয়ই লগেপ্রভু গোজেন। তুই অব্রামরে বেঈ লোইনে কল্‌দীয়গুনোর দেজ্‌ছান্‌ ঊরত্তুন্‌ নিগিলেনেই লোই এচ্ছ্যস্‌ আর তা নাঙান্‌ রাগেয়োচ্ছে অব্রাহাম।

গীতসংহিতা 24:10

কন্না এই বাঈনী গুরিবার্ রাজাবো? বেগত্তুন্ খেমতাবলা লগেপ্রভুই বাঈনী পেবার্ রাজা।

গীতসংহিতা 24:7

ও শঅরর্ গেট্টুন, তমা মাঢাগুন আরঅ উগুরে তুলো; ও আগঅ দিনোর দোরানি, তমা হুক্‌কুন্ বেক্কুন্ খুলি যাদোক্; বাঈনী গুরিবার রাজাবো ভিদিরে সোমেব।

গীতসংহিতা 29:3

পানি উগুরে লগেপ্রভুর রঅবো শুনো যায়; আগাজ বাজ্ পড়ানার রবোলোই বাঈনী গুরিবার গোজেনে গুজুরি উদে; বেক্ পানিগান উগুরে আগাজ বাজ রবোত্ রোইয়্যেদে লগেপ্রভুর গুজুরোনিবো।

যিশাইয় 37:12

মঅ পুরোণি মানুচ্চুনে যিদুক্কুন্ জাদরে ভস্ত গোজ্যন তারার্ দেবেদাগুনে, অত্তাৎ গোষণ, হারণ, রেৎসফ আর তলঃসরত্ বজত্তি গুরিয়্যে এদন মানুচ্চুনোর দেবেদাগুনে কি তারারে রোক্ষ্যে গোজ্যন্?

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 12:41

যিশাইয় যীশুর মহিমাগান্ দেক্ক্যে বিলি তা পৌইদ্যেনে এ কধাগান্ কোইয়্যে।

প্রেরিত্‌ 22:1

“ভেইলগ্ আর বাব্‌‌লগ্, ইক্কিনে মুই মঅ নিজোর্ পক্ষে কধা কোম্, শুনো।”

প্রেরিত্‌ 23:7

তার্ এ কধাগান্দোই ফরীশী আর সদ্দূকীগুনো ভিদিরে কোল্-কোজ্জ্যে আরাম্ভ অলঅ। ইয়েন্দোই দাঙর্ তেম্মাঙ মানুচ্চুনে ভাগ্ ওই গেলাক্,

প্রেরিত্‌ 7:1

সেক্কে দাঙর্ ধর্মগুরুবো স্তিফানরে পুযোর্ গুরিলো, “ইয়েনি বেক্কানি কি সত্য?”

১ করিন্হীয় 2:8

এ যুগোর্ নেতাগুনো ভিদিরে কনজনে সিয়েন ন-বুঝোন্; যুনি সিয়েন বুঝিদাক্ সালে সেই মহিমাবলা প্রভুরে ক্রুশোত্ ন-দিদাক্।

ইফিষীয় 1:17

তবনা গুরিবার অক্তত্ মুই তমা কধা ভুলি ন-যাং। মুই তবনা গরং যেন আমার্ প্রভু যীশু খ্রীষ্টর্ গোজেন, অত্তাৎ সেই গৌরবময় বাবা তমারে আত্মিক জ্ঞান আর বুঝিবার খেমতা দান গরে, যাতে তুমি তারে আরঅ গমেডালে জানি পারঅ।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

যাকোব 2:1

মর্ ভেইয়ুন, তুমি যেক্কেনে আমার মহিমালোই ভরা প্রভু যীশু খ্রীষ্ট উগুরে বিশ্বেজ্ গরঅ সেক্কে পত্তিজনরে সং চোগেদি রিনি চঅ।

যিহোশূয় 24:2

যিহোশূয় বেক্‌ মানুচ্চুনোরে কলঅ, ইস্রায়েলীয়গুনোর গোজেন লগেপ্রভু কোইয়্যেদে, ভালোক্‌ দিন আগেন্দি তমা পূরোণি মানুচ্চুনে ইউফ্রেটিস গাঙর্‌ উইপারত্‌ বজত্তি গুরিদাক্‌ আর দেব-দেবেদাগুনোরে পূজো গুরিদাক্‌। তারা ভিদিরে এক্কো এলঅ‌ অব্রাহাম আর নাহোরর বাপ্পো তেরহ।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”