প্রেরিত্‌ 7:14 - Chakma Bible

¹⁴ ইয়েন পরেদি যোষেফে তা বাব্‌পো যাকোবরে আর পরিবারর অন্য বেক্কুনোরে ডাগি আনিবাত্যে দিপাধেল। তারা জনেদি বেক্কুনে মিলিনে পাচাত্তোরজন এলাক্।

প্রেরিত্‌ 7:14 Iomraidhean Croise

পত্থম 45:13

মিসর দেজত্‌ মর্‌ যেত্তমান্‌ মান-সর্মান আর যিয়েনি দেগর্‌ সিয়েনি বেক্কানি যেইনে বাবারে কামাক্কায়্‌ জানেবা। ইক্কিনে তুমি যাদিমাদি যেইনে বাবারে ইধু আনগোই।”

পত্থম 46:12

যিহূদার পুয়ো এর, ওনন, শেলা, পেরস আর সেরহ। এর আর ওননে কনান দেজত্‌ মুরি যেয়োন। পেরসর্‌ পুয়ো হিষ্রোণ আর হামূল।

গীতসংহিতা 105:23

সে পরেন্দি ইস্রায়েলে মিসরত্ গেলঅ; হাম-বংশীয়গুনোর দেজত্ যাকোবে কয়েক বজর্ বজত্তি গুরিলো।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

দ্বি’লম্বর বিররণ 10:22

তমার্‌ যে পুরোণি মানুচ্চুনে মিসরত্‌ যেইয়োন তারা সোংখ্যেন্দি এলাক্কে বানা সত্তুরজন আর ইক্কিনে তমার গোজেন লগেপ্রভু তমারে জনেদি গুরি দিয়্যে আগাজর্‌ তারাগুনো ধোক্ক্যেন গুণি ন-পুড়েইয়্যে।