প্রেরিত্‌ 6:9 - Chakma Bible

⁹ যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 6:9 Iomraidhean Croise

মথি লেখ্যে গম্ হবর্ 10:17

উজিয়ার্ থেয়ো, কিয়া মান্‌জ্যে বিচের-সভাত্ মানুচ্চুনো আঢত্ তমারে ধুরি দিবাক্ আর তারার্ সমাজ-ঘরত্ তমারে চাবুক্ মারিবাক্।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মথি লেখ্যে গম্ হবর্ 27:32

সিয়েনত্তুন্ তারা নিগিলি যেবার্ সময়োত্ সৈন্যগুনে কুরীণী শঅরর্ শিমোন নাঙে এক্কো মান্‌জ্যর্ দেগা পেলাক্ আর সৈন্যগুনে তারে যীশুর ক্রুশ্‌চান বুয়োই নেযেবাত্তে বাধ্য গুরিলাক্।

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 18:24

এ ভিদিরে আপল্লো নাঙে এক্কো যিহূদী ইফিষত্ লুমিলো। আলেক্‌জান্দ্রিয়া শঅরত্ তার্ ঘর এলঅ। তে এক্কো গম্ কধা কোইয়্যে এলঅ আর পবিত্র বোইবো গমেডালে জানিদো।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

প্রেরিত্‌ 21:39

সেক্কে পৌলে জোব্ দিলো, “মুই যিহূদী, কিলিকিয়া রেজ্যর্ তার্ষ শঅরর্ মানুচ্। মুই যে সেই শঅরর্ মানুচ্ নয়। দোয়্যে গুরিনে মরে মানুচ্চুনো ইধু কধা কবাত্তে দে।”

প্রেরিত্‌ 22:19

মুই কলুং, প্রভু, এ মানুচ্চুনে কোই পারন্, যিগুনে তঅ উগুরে বিশ্বেজ্ গুরিদাক্ তারারে পিদিনে জেলোত্ দিবাত্যে মুই এক সমাজ-ঘরত্তুন্ আরেক্ সমাজ-ঘরত যেদুং।

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 23:34

আজল্ শাসন গুরিয়্যেবো চিধিগান্ পড়িনে পৌলে কুদুগোর্ মানুচ্‌ সিয়েন পুযোর্ গুরিলো। পৌলে যে কিলিকিয়া রেজ্যর্ মানুচ্‌ সে কধাগান্ কোই পারিনে তে কলঅ,

প্রেরিত্‌ 24:18

নিজোরে সিজি গরানার্ পরেদি যেক্কে মুই সেই কামান্ গরঙর্ সেক্কে তারা মরে উবোসনা-ঘরত্ দেক্ক্যন্। মঅ কায়কুরে মান্‌জ্যর্ ভিড়্অ ন-অয় বা মল্লোই কনঅ যাগুলুগ্অ ন-অয়।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

গালাতীয় 1:21

সে পরেদি মুই সিরিয়া আর কিলিকিয়া ভিদিরে নানান্ জাগাত যেইয়োং।