প্রেরিত্‌ 6:6 - Chakma Bible

⁶ পরেদি তারা এ মানুচ্চুনোরে প্রচারক্কুনো ইধু নেযেলাক্। সেক্কে প্রচারক্কুনে তবনা গুরিলাক্ আর কামত্ নেযেবাত্তে তারা উগুরে আঢ্ রাগেলাক্।

প্রেরিত্‌ 6:6 Iomraidhean Croise

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

গণাণা 8:10

লেবীয়গুনোরে তুই লগেপ্রভুর মুজুঙোত্ আনিবে আর ইস্রায়েলীয়গুনে তারা উগুরে আত্‌ রাগেবাক।

মার্ক 5:23

তে যীশুরে কোজোলী গুরি কলঅ, “মঅ ঝিবো মুরি যেবার্ অক্ত ওইয়্যে। তুই এইনে তা উগুরে তঅ আঢ্‌তান রাগা; সেক্কে তে গম্ ওই উদিবো।”

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

প্রেরিত্‌ 13:3

সেক্কে তারা উবোচ্‌ থেইনে আর তবনা গুরিনে সেই দ্বিজন উগুরে আঢ্‌তানি রাগেলাক্ আর তারারে পাধেই দিলাক্।

প্রেরিত্‌ 19:6

সেক্কে পৌলে তারা উগুরে আঢ্‌‌তানি থলে পরেদি তারা উগুরে পবিত্র আত্মাগান্ এলঅ, আর তারা নানান্ ভাষায় কধা কুয়ো ধুরিলাক্ আর ভাববাদী ইজেবে গোজেনর্ কধা কুয়ো ধুরিলাক্।

প্রেরিত্‌ 8:17

সেক্কে পিতর আর যোহনে তারা উগুরে আঢ্‌‌‌তানি থলাক্, আর তারা পবিত্র আত্মাগান পেলাক্।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।

২ তীমথিয় 1:6

ইয়েনত্যে মুই তরে আরঅ এ কধাগান কবাত্যে চাং-তঅ উগুরে মঅ আঢ্‌তান দিইনে গোজেনে তরে যে বিশেষ দান দিয়্যে সিয়েন আরঅ জাগেই তুল্।

ইব্রীয় 6:2

নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।