প্রেরিত্‌ 6:5 - Chakma Bible

⁵ দলর বেক্কুনোর এ কধাগান গম্ লাগিলো। বিশ্বেজে আর পবিত্র আত্মালোই ভরা স্তিফানরে তারা বেঈ ললাক্। ইয়েন বাদে তারা ফিলিপ, প্রখর, নীকানর, তীমোন, পার্মিনা আর আন্তিয়খিয়া শঅরর্ নিকলায়রেয়ো বেঈ ললাক্। এই নিকলায়ে অযিহূদী ওইনেয়ো যিহূদী ধর্ম পালেদ।

প্রেরিত্‌ 6:5 Iomraidhean Croise

পত্থম 41:37

যোষেফ এ বেবস্থার্‌ কধাগান্‌ ফরৌণ আর তার বেক্‌ চাগরুনো মুজুঙোত্ গম্‌ বিলিনে মনে অলঅ।

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 15:23

যে মানুচ্চো যগাজ্যে জোব্ দি পারে তে হুজি অয়; যগাজ্যেগুরি কোইয়্যে কধানি কেজান্ গম!

মীখা 3:8

মাত্তর্ মুই যাকোবরে তার্ অন্যেয়, ইস্রায়েলরে তার পাপ পৌইদ্যেনে জানেবাত্তে লগেপ্রভুর আত্মার্ দিয়্যে বল্লোই, ন্যায়বিচেরে আর সাহসে ভর্‌‌পুনং ওইয়্যেই।

মথি লেখ্যে গম্ হবর্ 23:15

ভণ্ড ধর্ম-মাষ্টর আর ফরীশীগুন, অভিশাব্ পোড়োক্ তমার্! বানা এক্কো মান্‌জ্যরে তমা ধর্ম-মজিম্ আনিবাত্তে তুমি দুনিয়ের্ কুদু ন-যঅ। আর তে যেক্কে তমা ধর্ম-মজিম্ এজে সেক্কে তুমি নিজোত্তুন্ তারে বোউত্ বেশ্ গুরি নরগত্ যগাজ্যে গরঅ।

প্রেরিত্‌ 11:19

স্তিফানরে কেন্দ্র গুরিনে বিশ্বেজিগুনো উগুরে অত্যেচারর্ কারনে যিগুনে ছিদি পোজ্জ্যন্ তারা ফৈনীকিয়া, সাইপ্রাস আর সিরিয়া দেজর্ আন্তিয়খিয়া সং যেইনে বানা যিহূদীগুনো ইধু গোজেনর্ কধা কলাক্।

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 11:22

এ হবরান্ যিরূশালেমর্ মন্ডলী মানুচ্চুনো কানত্ যানার্ পরেদি তারা বার্ণবারে আন্তিয়খিয়াত্ পাধেই দিলাক্।

প্রেরিত্‌ 11:24

বার্ণবা এক্কো গম মানুচ্‌ এলঅ আর তে পবিত্র আত্মালোই আর বিশ্বাজে ঠিগ্ এলঅ। সেক্কে প্রভু ভালোক্ জনরে তার্ নিজো ইধু আন্যে।

প্রেরিত্‌ 11:26

আর তারে তোগেই পেইনে আন্তিয়খিয়াত্ আনিলো। বার্ণবা আর শৌল এক বজর্ সং মন্ডলী মানুচ্চুনো সমারে মিলিনে বোউত্ মান্‌জ্যরে শিক্ষ্যে দিলাক্। আন্তিয়খিয়াত্ খ্রীষ্ট শিচ্চ্যগুনোরে খ্রীষ্টান নাঙে পত্তমে ডাগা অলঅ।

প্রেরিত্‌ 11:27

ইয়েন ভিদিরে কয়েক্কো ভাববাদী যিরূশালেমত্তুন্ আন্তিয়খিয়াত্ এলাক্।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

প্রেরিত্‌ 21:8

তার্ কেল্যে আমি লদ্ দিইনে কৈসরিয়াত্ লুমিলোং আর গম্ হবরর্ প্রচারক ফিলিপ ঘরত্ থেলং। ইবে অলদে যিরূশালেম মন্ডলীর সেই সাতজন্ সেবাগুরিয়্যেত্তুন্ একজন।

প্রেরিত্‌ 22:20

যেক্কে তর্ সাক্ষী স্তিফানরে খুন্ গরা অর্ সেক্কে মুই সিধু থিয়্যেইনে সায় দিলুং, আর যিগুনে তারে খুন্ গত্তন্ তারার্ কাবড়-চুগোড়ানি চুগি দোঙর্।

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

প্রেরিত্‌ 6:8

স্তিফান গোজেনর দোয়্যে আর খেমতালোই পরিপূরোণ ওইনে মানুচ্চুনো ভিদিরে ভালোক্কানি আমক্ আমক্ কাম্ গরা ধল্ল।

প্রেরিত্‌ 7:1

সেক্কে দাঙর্ ধর্মগুরুবো স্তিফানরে পুযোর্ গুরিলো, “ইয়েনি বেক্কানি কি সত্য?”

ফগদাং পেইয়্যে 2:15

সিয়েনবাদে নীকলায়তীয়গুনোর শিক্ষ্যে মজিম যিগুনে চলন্ এমন কয়েকজনেয়ো তইধু আঘন।

ফগদাং পেইয়্যে 2:6

মাত্তর্ এই এক্কান গুণ তর্ আঘে, নীকলায়তীয়গুনে যিয়েনি গরন সিয়েনি তুই ঘিনাচ্, আর মুইয়ো সিয়েনি ঘিনাং।