প্রেরিত্‌ 6:1 - Chakma Bible

¹ সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

প্রেরিত্‌ 6:1 Iomraidhean Croise

ইয়োব 29:13

মুরি যাদন্ এবাবোত্যে মান্‌‌জেয়ো মরে বর্ দেদন্; রানিমিলেগুনোর মনত্ মুই হুজ-ফুত্তির্ গান যোগেদুং।

ইয়োব 31:16

মুই যুনি নাঢা মানুচ্চুনোর অভাব্‌পানি মিটেই ন-দুয়োং, বা রাণিমিলেগুনোরে নিরাশ্ গুরি থাং,

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 72:16

দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 11:26

আর তারে তোগেই পেইনে আন্তিয়খিয়াত্ আনিলো। বার্ণবা আর শৌল এক বজর্ সং মন্ডলী মানুচ্চুনো সমারে মিলিনে বোউত্ মান্‌জ্যরে শিক্ষ্যে দিলাক্। আন্তিয়খিয়াত্ খ্রীষ্ট শিচ্চ্যগুনোরে খ্রীষ্টান নাঙে পত্তমে ডাগা অলঅ।

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 2:45

তারা নিজো সোম্বোত্তিগানি বেজিনে যার্ যিদুক্কুন দরকার্ সে ধগে তারে দিদাক্।

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

প্রেরিত্‌ 5:14

সিয়েন অলেয়ো বোউত্ মরদ্ আর মিলে প্রভু উগুরে বিশ্বেজ্ গুরিলাক্ আর বিশ্বেজি দল সমারে মিজেলাক্।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 6:2

সেক্কে সেই বারজন প্রচারকে বেক্‌ শিচ্চ্যগুনোরে এক জাগাত্ ডাগিনে কলাক্, “গোজেনর্ কধানি ফগদাং গরানা বাদ দিইনে হানা দেনা পৌইদ্যেনে হিজেখিচ্চ্যে গরানা আমাত্যে থিক্ নয়।

প্রেরিত্‌ 6:7

এবাবোত্যেগুরি গোজেনর কধানি ছিদি পড়া ধল্ল, আর যিরূশালেমত্ শিচ্চ্যগুন্ জনেদি বোউত্ বাড়িলাক্ আর ধর্মগুরুগুনো ভিদিরে ভালোক্ জনে খ্রীষ্টীয় ধর্ম-বিশ্বেজ্‌চানরে মানি ললাক্।

প্রেরিত্‌ 9:29

যে যিহূদীগুনে গ্রীক ভাষা কদাক্ তারা সমারে তে কধা কদঅ আর তর্ক গুরিদো, মাত্তর্ এ যিহূদীগুনে তারে মারে ফেলেবাত্তে চেষ্টা গরা ধুরিলাক্।

প্রেরিত্‌ 9:39

সেক্কে পিতরে তারা সমারে গেলঅ। তে সিধু লুমোনার্ পরেদি সে উগুরে গুদিবোত্ তারে নেযা অলঅ। বেক্‌ রানি মিলেগুনে সেক্কে পিতর চেরোকিত্ত্যেদি থিয়্যেইনে কানা ধুরিলাক্ আর দর্কা বাঁজি থাগদে যে সিলুমুন আর অন্য কাবর্-চুগোড়ানি বানেয়্যে সিয়েনি পিতররে দেগেলাক্।

প্রেরিত্‌ 9:41

সেক্কে পিতরে তা আঢ্‌তানি ধুরিনে তারে উদিনে থিয়্যেবাত্তে বল্ দিলো। যেরেদি তে গোজেন মানুচ্চুনোরে আর রানি মিলেগুনোরে ডাগিনে তারারে দেগেল যে, দর্কা বাঁজি উঠ্যে।

রোমীয় 12:7

যুনি সিয়েন সেবা গুরিবার্ খেমতা অয় সালে তে সেবা গোরোক্। যে শিক্ষ্যে দিবার্ খেমতা পেইয়্যে তে শিক্ষ্যে দোক্;

১ করিন্হীয় 10:10

তারা ভিদিরে ভালোকজনে কাঙেলেত্যে পেইনে যেবাবোত্যেগুরি ভস্তগুরিয়্যে দূত্‌তুন্দোই ভস্ত ওইয়োন্ সেবাবোত্যেগুরি তুমি কাঙেলেত্যেগান ফগদাং ন-গোজ্জ্য।

২ করিন্হীয় 11:22

যিগুনে দেমাগ্ গরন তারা কি ইব্রীয়? আমিয়ো সেধোক্ক্যেন। তারা কি ইস্রায়েলীয়? মুইয়ো সেধোক্ক্যেন। তারা কি অব্রাহামর্ গুট্টি? মুই সেধোক্ক্যেন।

দ্বি’লম্বর বিররণ 26:12

পত্তি তিন বজরত তমার বেক্‌ ফসলানির দশ ভাগর এক ভাগ আদায় গরানা শেজ্‌ অলে সিগুন তুমি লেবীয়, বিদেশী আদাম্মেগুন, মা-বাপ নেইয়্যে আর রানি মিলেগুনোরে দিবা। সেক্কে সেই মানুচ্চুনোর তমার দেজ ভিদিরে খেই-দেই ঈল্‌ অবঅ।

ফিলিপীয় 3:5

আট্য দিনোত্ মর্ চুনু মাঢাবোর চামান্ কাবা ওইয়্যে; ইস্রায়েল জাদ ভিদিরে বিন্যামীন গুট্টিত্ মর্ জর্ম; মুই এক্কো খাটি ইব্রীয়; মোশির রীদি-সুদোম পালানা পৌইদ্যেনে মুই এক্কো ফরীশী;

১ তীমথিয় 5:3

যে রানী মিলেগুনোর্ কেঅ নেই তারারে যত্তন্ গুরিনে দেগাশুনো গরঅ।

১ তীমথিয় 5:9

রানি মিলেগুনোর্ নাঙর্ লিষ্টিত্ কনঅ রানি মিলের্ নাঙ্ লিগিবার আগেদি চাহ্ পরিবদে যে, তা বয়জ্‌চান ষায়েট বজরর্ কম নয় আর তে নেগ উগুরে বিশ্বেজি এলঅ।

ইব্রীয় 13:1

তুমি একজন আরেক জনরে ভেইয়ো ধোক্ক্যেন কোচ্‌পেইয়ো।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?

যাকোব 5:9

ভেইলগ্, গোজেনে যেন তমারে দুষ্ ন-ধরে ইয়েনত্যে তুমি একজন আরেকজনরে দুষ ন-দুয়ো। চঅ, বিচের গুরিয়্যেবো দোরান কায়কুরে লুম্মেগি।