প্রেরিত্‌ 5:42 - Chakma Bible

⁴² তারা পত্তিদিন উবোসনা-ঘরত আর ঘরে ঘরে যেইনে শিক্ষ্যে দিয়্যে ধল্লাক্ আর যীশুই যে মশীহ এ গম্ হবরান্ ফগদাং গরা ধল্লাক্।

প্রেরিত্‌ 5:42 Iomraidhean Croise

২ শমূয়েল 6:22

মুই নিজোরে ইত্তুনো বেশ্‌ আরঅ তলে ফেলেম্ আর নিজো ইদু নিজে আরঅ চিগোন্‌ ওম্‌। মাত্তর্‌ তুই যে চাগরানীগুনোর কধা কলে তারা মরে সর্মানর চোগেন্দি চেবাক্।”

লূকে লেখ্যে গম্ হবর্ 21:37

সে সময়োত্ যীশু পত্তি দিন উবোসনা-ঘরত্ শিক্ষ্যে দিদো, মাত্তর্ রেদোত্ বারেদি যেইনে জৈতুন মুড়োবোত্ থেদঅ।

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 13:32

আমি তমা ইধু এ গম্ হবরান্ দিত্তে যে, আমা পূরোণি মানুচ্চুনো ইধু গোজেনে যে এগেমান্ গোজ্জ্যে,

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 17:3

তে মানুচ্চুনোরে বুঝেল আর প্রমাণ গুরিলো, মশীহর্ দুঘ্ ভুগোনার আর মরণত্তুন্ জেদা ওই উদিবার্ দরকার্ এলঅ। তে কলঅ, “যে যীশুর্ কধানি মুই তমা ইধু ফগদাং গরঙর্ সেই যীশুই অলঅ মশীহ।”

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 20:20

তমার যাতে এজাল্ অয় এমন কনঅ কিজু মুই তমা ইধু ন-কোইনে জুরো গুরি ন-থাং, বরং বারেদি খুলোমেলাগুরি আর তমা ঘরে ঘরে শিক্ষ্যে দুয়োং আর প্রচার গোজ্জ্যং।

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

প্রেরিত্‌ 4:29

আর ইক্কিনে, ও প্রভু, ইগুনে আমারে কেধোক্ক্যেন গুরি দর্ দেগাদন্, সিয়েন তুই খিয়েল্ গর্। তঅ চাগরুনোরে এমন খেমতা দে যাতে খুব সাহস গুরিনে তারা তঅ কধানি কোই পারন্।

প্রেরিত্‌ 8:35

সেক্কে ফিলিপে পবিত্র বোইবোর্ সিয়েনত্তুন্ আরাম্ভ গুরিনে তা ইধু যীশু পৌইদ্যেনে গম্ হবরান্ ফগদাং গুরিলো।

প্রেরিত্‌ 8:5

সে অক্তত্ ফিলিপে শমরিয়া রেজ্যর্ এক্কান্ শঅরত্ যেইনে মশীহ পৌইদ্যেনে প্রচার গল্ল।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

১ করিন্হীয় 2:2

মুই ঠিগ্ গোজ্জ্যংগে, তমা ইধু থেবার্ অক্তত্ মুই যীশু খ্রীষ্টরে, অত্তাৎ ক্রুশোত্ দিয়্যে যীশু খ্রীষ্টরে হবর্ পানা বাদে আর কিচ্চু হবর্ ন-পেম্।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।