প্রেরিত্‌ 5:4 - Chakma Bible

⁴ বেজিবার আগেদি ভূইয়ান কি তর্ ন-এলঅ? আর বেজানার্ পরেদিয়ো কি টেঙাগুন্ তঅ আদত্ ন-এলঅ? সালে তুই কিত্ত্যে এবাবোত্যে কাম্ গুরিবে বিলিনে থিক্ গোল্ল্যে? তুই মান্‌জ্য ইধু মিজে ন-কচ্, মাত্তর্ গোজেন ইধু মিজে কধা কোইয়োচ্।”

প্রেরিত্‌ 5:4 Iomraidhean Croise

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

১ বংশধর 29:9

তারা হুজি মনে আর খুলো আদে মন দিইনে লগেপ্রভুরে দি পারিনে হুজি অলাক্‌। রাজা দায়ূদেয়ো অমকদ হুজি ওইয়্যে।

ইয়োব 15:35

তারার্‌ পেদত্‌ থেবদে শদান্‌ আর তারা জর্ম দিবাক্‌ ভান্ন্যেইয়ুনোরে; তারার্‌ পেদত্‌ জোর্মেবদে ছলনা।”

গীতসংহিতা 139:4

ও লগেপ্রভু, কনঅ কধা মঅ মুয়োন্দি কবার্ আগেন্দি তুই সিয়েনি বেক্কানি হবর্ পাজ্।

গীতসংহিতা 7:14

অন্যেয়গুরিয়্যেবো বজঙানিরে মনত্ রাগায়, অন্যেয়রে মনত্ রাগেইনে জ্বালাপোড়াত্ ভুগে আর মিজেগানি ফগদাঙ্ গরে।

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

উপদেশক 5:5

মানত্ গুরিনে সিয়েন্ ন-ছিড়েনাত্তুন্ বরং মানত্ ন-গরানা গম্।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

গণাণা 16:11

তুই আর তর্‌ দলর্‌ বেক্‌ মানুচ্চুনে লগেপ্রভুর বিপক্ষে দল পাগেয়ো। হারোণে যে কন্না, তুমি তার বিপক্ষে বক্‌বক্‌ গরর্‌?”

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

প্রেরিত্‌ 5:9

সেক্কে পিতরে তারে কলঅ, “প্রভুর আত্মাগানরে যগা চেবাত্যে কিত্ত্যেই তুমি একযদা অলা? চাহ্, যে মানুচ্চুনে তঅ নেক্কোরে গোর্ দুয়োন তারা দোরান কুরে এইনে লুম্মোন্দি, আর তারা তরেয়ো বারেদি নেযেবাক্।”

১ করিন্হীয় 8:8

মাত্তর্ হানালোই আমি গোজেনর্ মানি লোইয়্যে ন-ওই। আমি যুনি ন-হেই সালে আমার্ কনঅ ক্ষতিয়ো ন-অয়, আর যুনি হেই সালে আমার্ কনঅ লাভঅ ন-অয়।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

ফিলীমন 1:14

মাত্তর্ তর উগুম ছাড়া মুই কিচ্চু গুরিবাত্যে ন-চাং, যেনে জোর্ গুরিনে তর্ দোয়্যেগান উজোল্ গরা ন-পরে, বরং তুই যেন নিজোত্তুন্ দোয়্যে গরচ্।

যাকোব 1:15

সে পরেদি কামনা পুরেলে পরেদি পাপর জর্ম অয়, আর পাপ বেশ্ অলে পরেদি মরণর্ জর্ম অয়।

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।